اقساق تەمىر (ءىى نۇسقا)
تۇركى تۇقىمداس بارلاس رۋىنان شىققان شاحريسيابز ءبيى تاراعاي ءتۇس كورەدى، تۇسىندە بيىك تاۋدىڭ باسىندا تۇر ەكەن. ءتۇن تاستاي قاراڭعى. تاراعاي ءبيدىڭ قولىندا بولات قىلىش بار. قولىنداعى قىلىشىنان سول شاقتا نايزاعاي وتتارى جارقىلداي دۇنيە ءجۇزى جاپ-جارىق بولا قالادى. تاراعاي بي ويانىپ كەتەدى. ءبىراق سول ءتۇنى وعان اق كيىمدى، اق سالدەلى، اق اتتى ادام ايان بەرەدى: «تاراعاي بي، ءقازىر ايەلىڭ تاككينە ءبىر ۇل تۋادى. ول الەمدى بيلەيتىن جاھانگەر بولادى»، — دەپتى. ول قىزىر عالي ءاسسالام اۋليە ەكەن. بۇل جورۋ ەرتەڭىنە قازاعان حانعا دا جەتەدى. ول بولاشاق جاھانگەر ءامىردىڭ تۋۋىنان سەسكەنىپتى، نوكەرلەرىنە بۇيرىق بەرىپ، ءبيدىڭ جوق كەزىندە تولعاتىپ جاتقان ايەلدىڭ قارنىن ىشتەگى بالا ءولى ءتۇسۋى ءۇشىن اۋىر تاسپەن ۇيكەلەتەدى. ايتكەنمەن بالا مۇنىمەن ولمەيدى، مەزگىلى جەتكەندە تۋادى. ءبىراق تاستىڭ سالماعىمەن انا قارنىنان ءبىر اياعى سولىپ تۇسەدى.
You Might Also Like
-
باياعى زاماندا قازاقتىڭ بەيبارىس دەگەن ۇلىن سوعىسقان ەلدىڭ ادامدارى ۇستاپ الىپ، قۇلدىققا ساتىپ جىبەرىپتى. بەيبارىس بۇكىل ءومىرىن مىسىر ەلىندە وتكىزىپتى. قايدان كەلگەنىن ەسىنە تۇسىرە الماپتى.
