InfoHub Logo

ساباقتىڭ تاقىرىبى: اقساقالدىڭ اق باتاسى. جۋان جانە جىڭىشكە جۇپ داۋىستىلار.
ساباقتىڭ ماقساتى: وقۋشىلاردىڭ باتا جايلى العان بىلىمدەرىن تولىقتىرۋ.
قازاقستاننىڭ حالىق جازۋشىسى — مۇزافار الىمبايەۆ جايلى تۇسىنىك بەرە وتىرىپ، ولەڭنىڭ نەگىزگى يدەياسىن اشۋ، ماعىناسىن ءتۇسىندىرۋ. جۋان جانە جىڭىشكە جۇپ داۋىستى دىبىستاردىڭ ءتۇرىن اجىراتا بىلۋگە ۇيرەتۋ.
مىندەتى:
1. ولەڭدەگى ويدى ءتۇسىنىپ، وقۋشىلاردىڭ ءوز بەتىمەن جۇمىس جاساۋىنا جاعداي جاساۋ.
2. تاقىرىپقا بايلانىستى جۇيەلى تۇردە ىزدەنۋ، باتا تۇرلەرىن اجىراتۋ،
وقۋ - جازۋ داعدىلارىن جەتىلدىرۋ، ساباققا قىزىعۋشىلىعىن وياتۋ، بەلسەندىلىگىن ارتتىرۋ.
3. ادامگەرشىلىككە، كىشىپەيىلدىككە، ادەپتىلىككە تاربيەلەۋ.
ساباقتىڭ ءتۇرى: جاڭا ساباقتى مەڭگەرتۋ.
ساباقتى ءادىسى: ساباقتى ءتۇسىندىرۋ، اڭگىمەلەۋ، ىزدەنىس ساباق، ساتىلاي كەشەندى تالداۋ، جيناقتاۋ.
ساباقتىڭ كورنەكىلىگى: سۋرەتتەر، ناقىل ءسوز، ينتەراكتيۆتى تاقتا.

ساباقتىڭ بارىسى:
1. ۇيىمداستىرۋ كەزەڭى.
2. پسيحولوگيالىق كوڭىل - كۇي.
ارداقتا ءتىلىڭدى!
ارداقتا ءتىلىڭدى،
ال ودان ءبىلىمدى.
ءوز ءتىلىڭ ۇيرەتەر
ونەردى، عىلىمدى.
ءتىلىڭسىز ءبىلىم جوق،
ءبىلىمسىز كۇنىڭ جوق.

(بالالار مەنىڭ الدىمدا ءار ءتۇستى گەومەتريالىق فيگۋرالار جاتىر. سەندەر وزدەرىڭە ۇناعان تۇستەرىڭدى تاڭداڭدار. قىزىل، كوك، سارى، جاسىل ءتۇستى گەومەتريالىق فيگۋرالاردى تاڭداۋ ارقىلى 4 توپقا بولىنەدى)
- قازاق الفاۆيتىندە نەشە ءارىپ، نەشە دىبىس بار؟
جاۋابى: 42 ءارىپ، 40 دىبىس بار
- ءارىپ دەگەنىمىز نە، دىبىس دەگەنىمىز نە؟
جاۋابى: ءارىپتى كورەمىز، جازامىز. دىبىستى ەستيمىز، ايتامىز.
- دىبىستار نەشەگە بولىنەدى؟
جاۋابى: داۋىستى، داۋىسسىز دىبىستار
- جۋان داۋىستى دىبىستاردى كىم ايتادى؟
جاۋابى: (ا، و، ۇ، ى)
- جىڭىشكە داۋىستى دىبىستاردى كىم ايتادى؟
جاۋابى: (ءا، ە، ءو، ءى، ءۇ)

ءىىى. جاڭا ساباق
ولاي بولسا، بۇگىنگى ءبىزدىڭ جاڭا ساباعىمىز «جۋان جانە جىڭىشكە جۇپ داۋىستىلار. اقساقالدىڭ اق باتاسى»
- داۋىستى دىبىستار ءوزارا ۇقساس دىبىستالادى. مىسالى ا - ءا، و - ءو، ى - ءى، ۇ – ءۇ
ەرەجە ايتىلادى
ا - ءا، و - ءو، ى - ءى، ۇ - ءۇ جۋان جانە جىڭىشكە جۇپ داۋىستىلار. ولار ءوزارا ۇقساس دىبىستالادى.

46 - جاتتىعۋ. سوزدەردى سالىستىرىپ وقىڭدار.
سان - ءسان وت - ءوت ىس - ءىس ۇن - ءۇن
نان - ءنان بوز - ءبوز تىس - ءتىس تۇس – ءتۇس

- بالالار، ءسوزدىڭ جۋان، جىڭىشكە ايتىلۋى نەگە بايلانىستى؟
- وسى جەردەن قانداي ەرەجە شىعارۋعا بولادى؟
- سوزدەگى داۋىستى دىبىستار جۋان بولسا، ءسوز جۋان ايتىلادى. ال، سوزدەگى داۋىستى دىبىستار جىڭىشكە بولسا، ءسوز جىڭىشكە ايتىلادى.

ءتورت توپ جۋان داۋىستىلارعا مىنەزدەمە بەرەدى
1توپ: سان سوزىندەگى جۋان داۋىستىلارعا مىنەزدەمە بەر
2 توپ: وت سوزىندەگى جۋان داۋىستىلارعا مىنەزدەمە بەر
3 توپ: ىس سوزىندەگى جۋان داۋىستىلارعا مىنەزدەمە بەر
4 توپ: ۇن سوزىندەگى جۋان داۋىستىلارعا مىنەزدەمە بەر

سەرگىتۋ ءساتى:
ۇلكەنگە دە ءسىز
كىشىگە دە ءسىز.
بار الەمنىڭ بالاسىن
قۇرمەتتەيىك ءبىز

ءىۇ. داپتەرمەن جۇمىس: 47 - جاتتىعۋ.
1. جاڭىلتپاشتى تەزدەتىپ، دۇرىس وقى
2. سوزدەردەگى ءا دىبىسىنىڭ استىن سىزايىق.
ءدان - داۋلەت،
داۋلەت - ءدان.
ءسان - ساۋلەت،
ساۋلەت - ءسان