InfoHub Logo

تاقىرىبى: اياۋلى مەنىڭ - اناشىم!
ساباقتىڭ ماقساتى: وقۋشىلارعا كوكتەمنىڭ العاشقى انالار مەرەكەسى تۋرالى ماعلۇمات بەرۋ.
مىندەتى:
1. انالار مەرەكەسى تۋرالى ويلارىن اشىق ايتا ءبىلۋ.
2. وقۋشىلارعا سالت - ءداستۇرى مەن ادەت - عۇرىپتارىن ساقتاي بىلۋگە سوزدىك قورىن مولايتىپ، وي - ءورىسىن دامىتۋ.
3. حالقىمىزدىڭ سالت - داستۇرلەرى ارقىلى بيازىلىققا، يناباتتىلىققا، انا ونەگەسىنەن ۇلگى الۋعا تاربيەلەۋ.
ساباقتىڭ ءادىسى: ءتۇسىندىرۋ، سۇراق - جاۋاپ، اڭگىمەلەسۋ
كورنەكىلىگى: "انا" تۋرالى ناقىل سوزدەر، سۋرەتتەر، ءسوزجۇمباق

ساباق بارىسى:
1. ۇيىمداستىرۋ كەزەڭى
2. ءمۇعالىمنىڭ العى ءسوزى:
انا دەگەنىمىز - الەمنىڭ جان - دۇنيەسى، ونىڭ باستاۋى مەن تاۋسىلمايتىن جالعاسى. انامىزعا دەگەن كوڭىلىمىز، مەيىرىمىز ۇشان - تەڭىز.
انامىزدىڭ كوڭىلى شات، ءجۇزى جارقىن، دەنى ساۋ بولۋىن ءارقاشان تىلەي وتىرىپ 1"ب" سىنىپ وقۋشىلارىنىڭ "اياۋلى مەنىڭ - اناشىم" اتتى مەرەكەلىك باعدارلاماسىنا قوش كەلدىڭىزدەر.
1 - جۇرگىزۋشى: انا ءبىزدىڭ كۇنىمىز،
انانىڭ ءبىز گۇلىمىز
ۇلانىڭدى قۋانتىپ
ۇزاق ءومىر ءسۇرىڭىز.
2 - جۇرگىزۋشى: سەندەردەن وسكەن بالالار،
باتىرلار مەن دانالار.
قۇتتىقتايمىز مەيراممەن
قۇرمەتتى ءبىزدىڭ انالار!

"انا تۋرالى جىر" حور
1 - وقۋشى: بارىمىزگە اناسىڭ، -
ءبىز ءۇشىن كۇن بوپ جاناسىڭ.
قۇتتى بولسىن مەيرامىڭ
قۇتتىقتايمىن اناشىم!
2 - وقۋشى: دوستىقتى ءبىز ويلايمىز
بىرگە كۇلىپ وينايمىز.
قىزداردى دا قۇتتىقتاپ،
مەرەكەسىن تويلايمىز.
3 - وقۋشى ەركەلەتكەن ءوزىڭ انام
قۇشاعىڭدى جايدىڭ ماعان.
كەشە بىزدەر بالا ەدىك،
ءوسىپ قالىپپىز ەندى انام!
4 - وقۋشى: ماپەلەيسىڭ مەنى، انام
قولىڭداعى قۇسىڭداي
قۇلپىرا ءوسىپ دەم الام
قۇشاعىڭدا قىسىلماي.
5 - وقۋشى: ءبىلىپ تۇرسىڭ، جان انام،
مىندەتى ۇلكەن بوتاڭنىڭ.
كۇتەرى سول بالادان
انا مەنەن وتاننىڭ!
"انا ءبىزدىڭ گۇلىمىز" حور

1 - جۇرگىزۋشى: ادام بويىنداعى بارلىق جاقسى قاسيەت كۇننىڭ نۇرىنان، انانىڭ سۇتىنەن تارالعان
2 - جۇرگىزۋشى: سوندىقتان قۇرمەتتى اسىل انالار، وزدەرىڭىزگە ارناۋ - ولەڭدەردى قابىل الىڭىزدار.
1 - وقۋشى: ءبىزدى ءوسىرىپ، باپتاعان،
جاقسى بولساق، شاتتانعان
"التىنىم" دەپ ماقتاعان
اياۋلى مەنىڭ اق مامام!
2 - وقۋشى: ءار ءسوزىڭدى جاتتاعان،
جۇرەگىمدە ساقتاعام
اناشىم دەپ ماقتانام،
اياۋلى مەنىڭ اق مامام!
3 - وقۋشى: ماقتانىڭدار، انالار،-
قىزداردان باتىر، دانا بار.
الەم سۇيگەن باتىرلار -
ءاليا مەن مانشۇكتە!
4 - وقۋشى: انا - كوركى كوگىمنىڭ
انا - نۇرى جەرىمنىڭ.
انا - باعى بالانىڭ
ماقتانىشى ەلىمنىڭ.
1 - جۇرگىزۋشى: قىزداردى كورسەم ءبىر ءتۇرلى،
وزىمنەن - ءوزىم مۇڭدانام.
تويمايدى كوزىم ءجۇز كورسەم،
جايقالعان مەنىڭ گۇلدەرىم.
2 - جۇرگىزۋشى: مىڭ بۇرالا بيلەيتىن قىزدارىمىزدىڭ "ايگولەك" ءبيىن تاماشالاڭىزدار.
1 - جۇرگىزۋشى: ول ساعان بارىنەن دە قىمبات. سەن ءۇشىن ول - جاقىنىڭ، دوسىڭ ۇستازىڭ. سوندىقتان دا سەن ءبىر - اق ادامدى بىلەسىڭ. ول - انا!
2 - جۇرگىزۋشى: ولاي بولسا انا تۋرالى ماقال - ماتەل ايتايىق.
1. انانىڭ ءسۇتى بال، بالانىڭ ءتىلى بال.
2. انا ءسۇتىن اقتاماعاندى ەشكىم ماقتامايدى.
3. ەردىڭ اناسى - ەلدىڭ اناسى.
4. اعايىن التاۋ - انا بىرەۋ.
5. انا جاقسىلىعىن اۋىرساڭ بىلەسىڭ.
6. كۇننىڭ شۋاعى جىلى، انانىڭ قۇشاعى جىلى.
ءان "اينالايىن اق مامام"

1 - جۇرگىزۋشى: كەلەسى كەزەكتە انالار پىكىر الماسادى.
1. بالاڭىزعا اكەسى ءتارتىپ شاراسىن قولدانسا، ءسىز اراعا تۇسەسىز بە؟
2. انانىڭ اق ءسۇتىن اقتاۋ دەگەندى قالاي تۇسىندىرەسىز؟
3. "باتامەن ەل كوگەرەدى " دەگەن ءسوز بار. باتا بەرۋدىڭ ءمانىسى نەدە دەپ ويلايسىز؟
ءبارى حورمەن
اناڭ - كۇنىڭ، جۇرەگىڭ،
اكەڭ - ءومىر تىرەگىڭ.
سەن باقىتتى ۇلانسىڭ،
ءبارى ساعان قۋانسىن.
"اناعا سالەم" حور

كەلەسى كەزەكتە "انانىڭ ارقاسى" اتتى كورىنىستى تاماشالاڭىزدار.
وقۋشىلار ەڭبەك ساباعىندا جاساعان سىيلىقتارىن انالارىنا تاپسىرادى.
اتا - انا تاربيەلەپ بالاپانىن
الديلەپ، ايالاعان الاقانىن.
بولاشاقتا ب ا ق تىلەپ تۇراسىڭدار،
ويلاۋمەنەن الداعى بالا قامىن - دەي وتىرىپ ءسوز كەزەگىن انالارعا بەرەمىز.
بۇگىنگى "اياۋلى مەنىڭ - اناشىم" اتتى تاربيە ساعاتىمىز اياقتالدى. كوڭىل قويىپ تىڭداعاندارىڭىزعا كوپتەن - كوپ راحمەت. مەرەكەلەرىڭىز قۇتتى بولسىن.

جامبىل وبلىسى، ت. رىسقۇلوۆ اۋدانى،
لۋگوۆوي اۋىلى، ت. رىسقۇلوۆ اتىنداعى ورتا مەكتەبىنىڭ
باستاۋىش سىنىپ ءمۇعالىمى بەگاسيلوۆا مەيزكۋل تۋلەنوۆنا