اقتاۋلىق ۇستاز ماسكەۋدە وتكەن ماتەماتيكالىق بايقاۋدا 1 ورىندى يەلەندى
اقتاۋ قالاسىنداعى حيميالىق-بيولوگيالىق باعىتتاعى نازاربايەۆ زياتكەرلىك مەكتەبىنىڭ ماتەماتيكا ءپانى ءمۇعالىمى سۆەتلانا وزعان ماسكەۋدەن ورالىپ، جۋرناليستەرگە «ماتەماتيكا جانە جوبالاۋ» بايقاۋىنا قاتىسقانى جانە ونىڭ ناتيجەسى جايلى ايتىپ بەردى. بەس كۇنگە سوزىلاتىن جىل سايىنعى بايقاۋ بيىل م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ بازاسىندا ءوتتى.
سۆەتلانا وزعان «جوبالاۋ جانە زەرتتەۋ جۇمىستارى قىزمەتىن ۇيىمداستىرۋ» سەكسياسىنىڭ جوباسىنا قاتىسىپ، «ماتەماتيكا ساباقتارىندا وقىتۋدىڭ جوبالىق ءادىسىن قولدانۋ جانە زەرتتەۋ قىزمەتىن ۇيىمداستىرۋ» اتتى تاقىرىپتاعى جوباسىن ۇسىندى.
«بالالاردىڭ زەرتتەۋ جۇمىسىن جۇرگىزۋگە دەگەن تىلەگىن اشۋ ءۇشىن ماتەماتيكا ساباقتارىنا زەرتتەۋ ادىستەرىن ەنگىزۋ قاجەت دەپ سانايمىن. مىسالى، عىلىمي جۇمىس باياندامادان، رەفەراتتان، زەرتتەۋدەن تۇرادى. بارلىق ءۇش ءبولىمدى ورىنداۋ ناتيجەسى بويىنشا عانا تۇجىرىمى بار تولىققاندى جوبا الۋعا بولادى. ءادىل قازىلار يدەياما قىزىعۋشىلىق تانىتتى. ولارعا ساباقتار تاقىرىبىن كورسەتتىم. ولاردىڭ بىرىندەگى بۇرىش جايلى ءتۇسىندىرىپ، «اقتاۋ قالاسىنىڭ گەومەترياسى» تاقىرىبىن جاسادىم. بۇرىشتار نىسانىن كارتادا بار مىسالداردان كورسەتتىم. مۇنداي ءتاسىل بالالارعا دا ۇنايتىنى ءسوزسىز، ءادىل قازىلار جوباعا جوعارى باعا بەردى»، - دەدى سۆەتلانا تۇراش قىزى.
سۆەتلانا ءبىرىنشى ورىن يەلەندى. ۇيىمداستىرۋشىلار جەڭىمپازعا ونىڭ زەرتتەۋىنە عىلىمي-ادىستەمەلىك ماتەريال ازىرلەۋدى ۇسىندى.
بايقاۋعا س. وزعاننان باسقا، نزم 11 سىنىپ وقۋشىسى ايدا زينۋر قىزى قاتىستى. سۆەتلانا وزعان جەتەكشىلىك ەتكەن وقۋشىنىڭ جوباسى 3 ورىن يەلەندى.
You Might Also Like
-
اتىراۋ قالاسى، امانگەلدى اتىنداعى ورتا مەكتەبى كمم 1 "ا" سىنىپ وقۋشىسى: جۇسىپبەك عابيت جەتەكشىسى: مەنديگالييەۆا گۋلجانات ەسكايروۆنا
-
جۇرگىزۋشى ءمۇعالىم: - بۇگىن بىزدە كوپشىلىككە تانىمال، ەلگە ەلەۋلى جان بەيسەنباي جۇمانىڭ كلاستاسى ايۋباي اتا قوناقتا وتىر. ايۋباي اتا، ءسىزدى بەيسەنباي جۇمانىڭ كلاستاسى دەيدى عوي، سول ءسوز راس پا؟ ...
