InfoHub Logo

بيىل استانادا 4 مىڭنان استام تۇلەك ۇبت تاپسىرادى. بۇل تۋرالى ەلوردا اكىمدىگىنىڭ رەسمي سايتىندا حابارلادى.

ۇلتتىق ءبىرىڭعاي تەستىلەۋگە دەيىن از ۋاقىت قالدى. وتىنىمدەردى قابىلداۋ ناتيجەسى بويىنشا ەلوردادا 4106 وقۋشى جىلدىڭ باستى ەمتيحانىن تاپسىرادى. قازىرگى كەزدە وقۋشىلار اراسىندا سىناق تەستىلەۋ ۇيىمداستىرىلىپ جاتىر. سونىمەن قاتار، مەكتەپتەردە مۇعالىمدەر قوسىمشا ساباقتار وتكىزىپ، ءاربىر تۇلەكتىڭ جەكە پسيحولوگيالىق دايىندىعىنا باسا نازار اۋدارۋدا.

ۇبت قارساڭىندا مۇعالىمدەرمەن، اتا-انالارمەن جانە مەكتەپ تۇلەكتەرىمەن ءاقپاراتتىق-تۇسىندىرۋ جۇمىستارى جۇرگىزىلدى. بۇدان باسقا، Sar Edtech ناتيجەلەردى تالداۋ ەلەكتروندى جۇيەسىن پايدالانا وتىرىپ، ونلاين تەستىلەۋ جۇرگىزىلۋدە، بۇل ءاربىر وقۋشىنىڭ ناتيجەلەرىن تالداپ، جەكە كارتاسىن ازىرلەۋگە، ونىڭ قاتەلىكتەرى مەن كەمشلىكتەرىن كورسەتىپ، جەكە-جەكە جۇمىس ىستەۋگە مۇمكىندىك بەرەدى.

ادەتتەگىدەي، تۇلەكتەر ءبىرىڭعاي ەمتيحاندى ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ، س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ، قازاق گۋمانيتارلىق زاڭ ۋنيۆەرسيتەتىنىڭ بازاسىندا تاپسىرادى. تەستىلەۋ 1-7 ماۋسىمدا وتەدى. تەستىلەۋگە ءۇش جارىم استرونوميالىق ساعات (210 مينۋت) ۋاقىت بولىنەدى.

ۇبت تاپسىراتىن وقۋشىلاردىڭ ىشىندە، 196-سى «التىن بەلگى» مەدالىن جانە 89-ى ەرەكشە ۇلگىدەگى اتتەستات الۋعا ۇمىتكەر.

ەسكە سالايىق، شەكتى دەڭگەيگە (50 بالل) قول جەتكىزە الماعان وقۋشىلار باستى ۇلتتىق ەمتيحاندى تامىز ايىندا اقىلى نەگىزدە قايتا تاپسىرا الادى. تەستىلەۋدى قايتا تاپسىرۋ قۇنى - 2242 تەڭگە. تەستىلەۋگە قاتىسۋ ءۇشىن جوو-عا ءوتىنىش، ءتورت 3ح4 فوتوسۋرەتىن، جەكە كۋالىك پەن مەكتەپتى بىتىرگەنى تۋرالى اتتەستاتتى ۇسىنۋ قاجەت.

تەستىلەۋ قورىتىندىسى بويىنشا ۋنيۆەرسيتەتكە ءتۇسۋ ءۇشىن شەكتى بالل جيناعان، ءبىراق ونى  جاقسارتقىسى كەلەتىندەر ۇبت قايتا تاپسىرۋعا جىبەرىلمەيدى. مىسالى، قانداي دا ءبىر ءپان بويىنشا تۇلەك «2» باعاسىن السا، ءبىراق شەكتى بالل جيناسا، ول ۇبت قايتا تاپسىرا المايدى. 

---