اقۋىزدىڭ قانداي پايداسى بار؟
اقۋىز — دەنەدەگى ءارتۇرلى ۇلپالاردىڭ تۇزەلۋىن جانە ولاردىڭ قالپىنا كەلۋىن قاداعالايتىن قاجەتتى قورەكتىك زاتتار. اعزا ولاردى جانۋاردان نەمەسە وسىمدىكتەن الادى. كارديولوگتار جۇرەك اقاۋى بار ادامدارعا اقۋىزى جوعارى ديەتانى ۇسىنادى، الايدا، فينليانديادا جاڭادان جۇرگىزىلگەن ءبىر زەرتتەۋدە مۇنداي ديەتا ۇستانعان ادامعا جانۋارلاردىڭ اقۋىزىن قولدانۋدا اسا مۇقيات بولۋ كەرەكتىگىن ەسكەرتەدى. جۇمىس بارىسىندا شىعىس فينليانديا ۋنيۆەرسيتەتىنىڭ (University of Eastern Finland) ماماندارى جيىرما جىلعا جۋىق ۋاقىت بويى 42-دەن 60 جاسقا دەيىنگى 2400 ەر ادامنىڭ دەنساۋلىعىن قاداعالادى. قاتىسۋشىلاردى اقۋىزدى تۇتىنۋ دەڭگەيى بويىنشا ءتورت توپقا ءبولىپ قاراستىردى، ناتيجەسىندە ەڭ كوپ اقۋىزدى جەيتىن ادامداردىڭ جۇرەك كەمىستىگى 33% -دان اسقاندىعىن انىقتالدى. اسىرەسە جانۋارلار اقۋىزىنىڭ اسەرى ەداۋىر بايقالدى. ال بالىق نەمەسە جۇمىرتقا اقۋىزدارى جۇرەك كەمىستىگىنىڭ دامۋ ءقاۋىپىن ارتتىرا قويمادى. دەگەنمەن عالىمدار ولاردى زەرتتەۋ بارىسىندا بەلگىلى ءبىر شەكتەۋلەردىڭ بولعاندىعىن اتاپ ءوتتى.
گرونينگەندەگى ۋنيۆەرسيتەتتىك اۋرۋحاناسىنىڭ قىزمەتكەرلەرى (نيدەرلاندتىق University Medical Centre Groningen) جۇرەك كەمىستىگى بار ادامدارعا اقۋىز پايدالى ەكەنىن مالىمدەگەن. بۇل جۇمىستا 11 ەۋروپالىق ەلدەردەن ورتاشا ەسەپپەن 68 جاستاعى 2300-گە جۋىق ادامداردىڭ مەديسينالىق دەرەكتەرى زەرتتەلدى جانە ولاردىڭ شامامەن تورتتەن ءبىر بولىگى ايەلدەر ەدى. سونداي-اق ولاردى توپتارعا ءبولىپ، ءارقايسىسىنان قانشا ادام قازا تاپقانىنا دەيىن ەسەپتەلدى. ولاردان اقۋىزدىڭ كۇنىنە 40 گراممىن نەمەسە ودان از تۇتىنعان 31%، ال 70 گرامم جانە ودان كوپ مولشەردە تۇتىنعان 18%-ى قايتىس بولعان ەكەن. زەرتتەۋدىڭ باستى جەتەكشىسى اقۋىزدى تۇتىنۋ ادامنىڭ بۇلشىقەتتەرىنىڭ قۇرىلۋىنا كومەكتەسەتىنىن اتاپ وتكەن.
امەريكاندىق جۇرەك قاۋىمداستىعى (American Heart Association) ەتتىڭ قۇرمىنان تابىلاتىن جانۋار اقۋىزىن شەكتەۋدى ۇسىنادى. ال جۇمىرتقا، بۇرشاق، بالىق، ءسۇت ونىمدەرىندەگى اقۋىزدى ارتىق دوزالاۋدان قورىقپاي جەي بەرۋگە بولادى. اقۋىز تاۋلىكتىك راسيوننىڭ 10-35%-ىن قۇراۋى ءتيىس جانە ونى ءبىر جولعى تاماقتانۋ كەزىندە 30 گراممنان ارتىق بولماۋى ءۇشىن (ەگەر ادام ينتەنسيۆتى جاتتىعۋمەن اينالىسپاسا) تاۋلىك بويى قابىلدايتىن تاعامدارعا وڭتايلى ۇلەستىرە ءبىلۋ كەرەك.
You Might Also Like
-
ۇكىمەت وتىرىستارىندا «پەداگوگ مارتەبەسى تۋرالى» زاڭ جوباسى بويىنشا ءمۇعالىمنىڭ كاسىبي جۇمىسىنا نەگىزسىز ارالاسۋ جاعدايىنان قورعانۋ قۇقىعى بەرىلەتىنى بىرنەشە رەت ايتىلعان بولاتىن.
-
كونە زاماندا، جۇرت ءبىر پاتەردەن ەكىنشى پاتەرگە كوشەردە، زاتتاردى تاسۋ ءۇشىن كەيدە جەرگىلىكتى تۇرمەنىڭ تۇتقىندارىن جالدايتىن.
