ۇبت تاپسىرۋ فورماتىندا وزگەرىس بار ما
بيىل ەلدەگى مەكتەپ ءبىتىرۋشى تۇلەكتەردىڭ 71،6 پايىزى ۇلتتىق ءبىرىڭعاي تەست (ۇبت) تاپسىرادى. بۇل تۋرالى ق ر ءبىلىم جانە عىلىم مينيسترلىگى حابارلايدى.
مينيسترلىكتىڭ مالىمەتىنە سۇيەنسەك، جالپى، ۇبت-نى تاپسىرۋ فورماتى بۇرىنعىداي قالادى. دەگەنمەن، ونى وتكىزۋ پروسەسىن جەتىلدىرۋ، تەستىلەۋگە قاتىسۋشىلارعا قولايلى جاعداي جاساۋ ماقساتىندا ءبىرقاتار جاڭاشىلدىقتار ەنگىزىلگەن.
«2019 جىلدان باستاپ ۇبت جوعارى وقۋ ورنىنا اقىلى نەگىزدە ءتۇسۋ ءۇشىن جىلىنا 4 رەت (قاڭتار، ناۋرىز، ماۋسىم، تامىز) وتكىزىلەدى. ءار تاپسىرعان سايىن تالاپكەرگە ءتۇرلى بەيىندىك پاندەر كومبيناسياسىن تاڭداۋ مۇمكىندىگى بەرىلەدى. ال گرانت كونكۋرسىنا قاتىسۋ ءۇشىن وقۋعا ءتۇسۋشى ماۋسىم ايىندا وتەتىن ۇبت-نى تاپسىرۋى قاجەت»، - دەلىنگەن مينيسترلىكتىڭ اقپاراتىندا.
بيىل مەكتەپ بىتىرەتىن 96 380 تۇلەك ماۋسىم ايىندا وتەتىن ۇبت-عا قاتىسۋ ءۇشىن ءوتىنىش بەرگەن. بۇل جالپى مەكتەپ بىتىرۋشىلەردىڭ 71،6%ء-ىن قۇرايدى.
«شەت ءتىلىن مەڭگەرگەندىگىن راستايتىن TOEFL، IELTS حالىقارالىق سەرتيفيكاتتارىنىڭ شەكتى بالى بار تالاپكەرلەر «شەت ءتىلى» (اعىلشىن ءتىلى) ءپانى بويىنشا تەستىلەۋدەن بوساتىلادى»، - دەيدى مينيسترلىكتەگىلەر.
بيىلعى جىلدىڭ تاعى ءبىر جاڭالىعى اقىلى وقۋعا تۇسكىسى كەلەتىندەرگە قاتىستى بولىپ وتىر. بۇعان دەيىن جوعارى ءبىلىم الۋعا نيەتتىلەردىڭ ءبارى ۇبت تاپسىرۋعا مىندەتتى بولسا، بيىلدان باستاپ اقىلى نەگىزدەگى بىرنەشە ساناتقا بۇل مىندەتتىلىك جۇرمەيدى.
اتاپ ايساق، قىسقارتىلعان وقۋ مەرزىمىمەن اقىلى وقۋعا نيەتتىلەر كاسىپتىك-تەحنيكالىق نەمەسە ورتا بىلىمنەن كەيىنگى ءبىلىم بەرۋ ۇيىمدارىنىڭ تۇلەگى بولسا، ۇبت تاپسىرۋدان بوساتىلادى.
You Might Also Like
-
كۇن ساسكەدەن اۋىپ بارادى. ءبىز گريشكا، قاناتاي ۇشەۋمىز ديىرمەننىڭ جەلكە تۇسىنداعى قويتاستىڭ ۇستىندە وتىرمىز. قاناتاي — جۇقالتاڭ، اق سۇر ءوڭدى بالا. مەنەن بىرەر جاسى كىشىلەۋ. گريشكا — وتىز...
-
ادامنىڭ سىرت كەلبەتىنە بايلانىستى قابىلدانعان جاستى دارىگەرلەر پاسيەنت دەنساۋلىعىنىڭ جالپى كورسەتكىشى رەتىندە پايدالانادى. ول 70 جاستان اسقان ادامدار اراسىندا ءومىر ءسۇرۋدى بولجايتىن قارتايۋدىڭ سەنىمد...
