ءار ۋنيۆەرسيتەت ۇبت-داعى شەكتى بالدى ءوزى بەلگىلەيدى
تۇلەكتەر وقۋعا قۇجات تاپسىرماستان بۇرىن جوعارى وقۋ ورىندارىنىڭ شەكتى بالىن ءبىلىپ العانى ءجون. بۇل جايىندا ۇلتتىق تەستىلەۋ ورتالىعىنڭ ديرەكتورى رۋسلان ەمەلبايەۆ ءمالىم ەتتى.
ونىڭ ايتۋىنشا، ءار ۋنيۆەرسيتەتتىڭ ءوز شەكتى بالى بولادى. بۇل قۇقىق ولارعا 3 جىل بۇرىن بەرىلگەن.
«ءبىر وقۋشى ماتەماتيكا ءپانىنىڭ ءمۇعالىمى بولعىسى كەلەدى دەپ الايىق. ول ۇبت-دا جيناعان 80 بالىمەن ۇلتتىق ۋنيۆەرسيتەتكە اقىلى بولىمگە تۇسكىسى كەلەدى. وزدەرىڭىز بىلەتىندەي، «پەداگوگيكالىق عىلىمدارعا» شەكتى بالل – كەمىندە 75 بالل، ال ۇلتتىق جوو-لارعا – كەمىندە 65 بالل. وقۋشىنىڭ جيناعان ۇپايى جەتىپ تۇر. الايدا، ول ۋنيۆەرسيتەتتە وقۋشىنىڭ وقىعىسى كەلگەن ماماندىققا شەكتى بالل 85-تەن باستالادى. دەمەك، وقۋشىعا شەكتى بالىن 80-گە دەيىن بەلگىلەگەن ۋنيۆەرسيتەتتى ىزدەۋ كەرەك» دەيدى رۋسلان ەمەلبايەۆ.
ال ەندى بۇل بالداردى الدىن الا قايدان بىلۋگە بولادى؟ ونى ۋنيۆەرسيتەتتەر وزدەرىنىڭ سايتىنا جاريالايدى نەمەسە قابىلداۋ كوميسسياسىنىڭ جۇمىسى باستالعان ۋاقىتتا كەڭەس بەرەدى.
سونىمەن قاتار ارنايى تالاپكەرلەر ءۇشىن testcenter.kz سايتىندا جانە Telegram ارناسىندا وسى اقپارات ۇسىنىلادى.
You Might Also Like
-
گازەت، جۋرنال وقىساڭ، كوزىڭدى، قازاق، اشاسىڭ، دۇنيە ءحالىن بىلمەسەڭ، ىلگەرى قالاي باساسىڭ.
-
ءبىر اۋىلدا اشارشىلىق باستالىپتى. اۋىل باسشىسى اشارشىلىققا قارسى ءبىر امال تاۋىپ، شارا قولدانباق بولادى. ەرتەسىنە اۋىلدىڭ قاق ورتاسىنا تايقازان ورناتادى. سول قازانعا اۋىل تۇرعىندارىنا ءبىر تۇندە ءبىر ك...
