InfoHub Logo

رۋى — ىسىق، ون ەكى اتا باي ۇلى، قامىس-سامار جەرىن جايلاعان، ءجۇسىپقاليدىڭ بەس ۇلى بولعان. ولار: امانعالي، باقتىعالي، داۋلەتقالي، ءمۇسىرعالي، سايدىعالي.

ءجۇسىپقالي باي بولماسا دا ورتا شارۋادان جوعارى دەگەندەي، شارۋاسى بولعان. ءجۇسىپقاليدىڭ ءوزى شىندىقتى بەتكە ايتاتىن تۋراشىل، قياناتقا جانى توزبەگەن، ادىلەتتى كوكسەگەن ادام. سوندىقتان ونىڭ تىلىنە، مىنەزىنە قاراپ، باي-ماناپتار جاقتىرا بەرمەگەن.

ول ءبىر كەرەككە جارايدى-اۋ دەگەن دوس-جولداس، اعايىن-تۋمالارىن سىناۋ ءۇشىن بورانداتىپ، ۇسكىرىك ايازدى كۇندەردىڭ تۇندەرىندە ءتۇن ورتاسى اۋا ءۇسىپ-شاشىراپ ولارعا بارا قالادى ەكەن. ونىڭ بۇل سىرىن تۇسىنگەندەر قۇراق ۇشىپ قارسى الىپ، شالدىرماۋدىڭ قامىن جاسايدى ەكەن. ەل ونىڭ قىڭىر، شالكەس مىنەزىنە وراي «قاراكەسىر» دەپ اتاپ كەتكەن ەكەن.

جىلداردان جىلدار جىلجىپ ءوتىپ، بوستاندىق تۋى جەلبىرەپ، سوۆەت وكىمەتى ورناي قالگاندا ءجۇسىپقالي جەتپىس ءبىر بايدىڭ ءبىرى بولىپ، كونفەسكەلەنگەن بولاتىن.

ءجۇسىپقاليدىڭ وزىمەن باقتالاس بولىپ جۇرگەن جانشۋاك دەگەن باي كورشىسىمەن ءدام-تۇزى ءبىر جاراسپاۋشى ەدى. سول جانشۋاق باي مەن ءجۇسىپقاليدى ۇستاپ، قالاعا ميليسياعا الىپ كەلە جاتقاندا ءجۇسىپقالي:

— ءيا، جانشۋاق، قالاي؟ ەكەۋىمىز بۇكىل قامىس-سامارعا سىيماۋشى ەدىك، ەندى مىنە، ەكەۋىمىزدى الاقانداي جايداق شاناعا سىيعىزىپ جىبەرگەن وكىمەتتەن اينالايىن، — دەگەن ەكەن.

---