InfoHub Logo

ەگەر ۇلىڭىز ەرجىگىت، قىزىڭىز يبالى بولسىن دەسەڭىز، بالا تاربيەسىنە تىكەلەي ارالاسىڭىز! «بالا تاربيەسى ايەلدىڭ عانا مىندەتى» دەگەن جالعان ويدان ارىلىڭىز. بالا تاربيەسى ءبىرىنشى كەزەكتە اكەنىڭ مىندەتى. بالالارىڭىزدىڭ بولاشاعىنا، مىنەزى مەن تارتىبىنە ءسىز جاۋاپتىسىز. ايەلىڭىز وتە تاماشا جان بولۋى مۇمكىن، دەگەنمەن ول اكەنىڭ ورنىن باسا المايدى، ءسىز بەرۋ كەرەك بولعان تاربيەنى بەرە المايدى.

بالانىڭ ومىرىندە اكە ورنى ەرەكشە. سول ورىننىڭ ۇڭىرەيىپ بوس قالۋىنا جول بەرمەڭىز! ۇلىڭىز بەن قىزىڭىزعا سىزدەن اسقان باتىر، سىزدەن اسقان ۇلگى جوق. ءسىز ولار ءۇشىن جالعىزسىز. ولاردى ۇلگىسىز قالدىرماڭىز.

ۇلىڭىز وسكەندە جاقسى وتاعاسى بولۋدى سىزدەن ۇيرەنسە، قىزىڭىز بولاشاق جارىن تاڭداۋدا ءسىزدى باستى نازارعا الادى. ولاردىڭ ەرتەڭىنە بالتا شاپپاڭىز.

قولىڭىزداعى تەلەفون، الدىڭىزداعى تەلەديدار ءسىزدىڭ نازارىڭىزعا، قاراۋىڭىزعا ەش مۇقتاج ەمەس. ال بالالارىڭىزدىڭ قالاي ءوسىپ كەتكەنىن بايقاماي قالاسىز. ءسىز ولارعا قاراماساڭىز رەنجيدى، جارالانادى، وزدەرىن باقىتسىز سەزىنەدى. ءسىز ولارعا كەرەكسىز!

بالالارىڭىزدىڭ جانىڭىزدا ءجۇرىپ، وزدەرىن اكەسىز سەزىنۋىنە جول بەرمەڭىز!

---