ءجۇسىپ بالاساعۇننىڭ جار تاڭداۋعا بايلانىستى وسيەتى
جاستىق شاقتا ادام سۇلۋقۇمار سەزىمنەن اسا الماي، تەك كورىكتى، سۇلۋ ايەل كوزدەيدى. ال سىرتى سۇلۋ قىزدىڭ ىشكى جان دۇنيەسى دە سۇلۋ بولىپ كەزدەسۋى — وتە سيرەك قۇبىلىس. سۇلۋ قىزعا ۇيلەنگەندەر جۇرە كەلە ايەلىن كىم كورىنگەننەن قىزعانىپ، ۋاقىتىن ۇنەمى ءوز ايەلىن قورعاشتاپ كۇزەتۋمەن وتكىزەدى. ءسويتىپ، سۇلۋعا ۇيلەنگەن ادام كۇزەتشىنىڭ كەيپىنە كيىپ، قانداي سورعا تاپ بولعانىن ءوزى دە بايقاماي قالادى. بۇل تۋرالى اقىن:
«سۇلۋقۇمار، سۇلۋدى اڭساپ سور قۋما، قىزىل ءجۇزدى سارعايتپا ءھام قور قىلما»، — دەيدى.
ال كەيبىرەۋلەر «قاتىن الماي، قايىن ال» دەگەن باعىتتى ۇستانىپ، باي جەردەن ايەل الۋدى ويلايدى. ونداي ادامدار كۇندەردىڭ كۇنىندە سول ايەلدەرىنىڭ اشسا — الاقانىندا، جۇمسا — جۇدىرىعىندا بولىپ، جالتاقتاپ ايەلىنىڭ اۋزىنا قاراۋمەن كۇنىن وتكىزەدى. سونىڭ سالدارىنان ول ۇيدەگى وتباسىنىڭ باسشىسى كىم ەكەنىن ايىرۋ دا قيىن بولادى:
«ەي، تىڭداۋشى، باي ايەلدەن ۇمىتكەر، ق ۇلى بولىپ قالما ونىڭ، بىلىكتى ەر»، — دەيدى.
ال بارىنەن دە كوزىن ءسۇزىپ قارامايتىن، ەرىنىڭ كوزىنە ءشوپ سالمايتىن، اق نيەتتى، ادەپتى، پاك، ۇياتتى قالىڭدىقتى تابۋ — قيىننىڭ قيىنى.
سوندىقتان اقىن:
«قايىن الما، الساڭ ناعىز قاتىن ال، ادامشىلدىق سىڭگەن اسىل زاتىن ال»، — دەپ قورىتا ايتقان.
ياعني ءجۇسىپ بالاساعۇن بابامىز دا پايعامبارىمىزدىڭ (الەيھيسسالام) حاديسىندە ايتىلعانداي، ايەلدى يمانىنا، رۋحاني ءنارى مەن ىشكى جان دۇنيەسىنىڭ سۇلۋلىعىنا قاراپ تاڭداۋ كەرەكتىگىن وسيەت ەتەدى.
You Might Also Like
-
ۇلى ويشىل ءماشھۇر ءجۇسىپ ادامنىڭ اقىل-ويىن بيلەپ العان 3 كەدەرگى ءتۇرىن كورسەتىپ كەتكەن ەكەن. ءتورتىنشى كەدەرگىنى ءوزىم قوستىم جانە ولاردى اشىقتاپ وتەيىن.
-
ەگەر ۇلىڭىز ەرجىگىت، قىزىڭىز يبالى بولسىن دەسەڭىز، بالا تاربيەسىنە تىكەلەي ارالاسىڭىز! «بالا تاربيەسى ايەلدىڭ عانا مىندەتى» دەگەن جالعان ويدان ارىلىڭىز. بالا تاربيەسى ءبىرىنشى كەزەكتە اك...
