Astana Media Week كوممۋنيكاسيا مەن مۇمكىندىكتەر جوباسى
ەلوردا تورىندەگى قازمەديا ورتالىعىندا جىل سايىنعى Astana Media Week وتكىزىلدى.
Astana Media Week بۇل وتاندىق مەديا يندۋستريانى دامىتۋ جانە ىسكەرلىك قاتىناستاردى نىعايتۋ ءۇشىن قازاقستاننىڭ مەملەكەتتىك، تاۋەلسىز، كاسىبي جانە جاڭا باق-تارىن بىرىكتىرەتىن ءىس-شارا.
ەلىمىزدەگى باستى كوممۋنيكاسيا الاڭىندا ۆەدومستۆو باسشىلارى، حالىقارالىق ساراپشىلار، ينفليۋەنسەرلەر مەن سالا ماماندارى كەزدەسىپ، وزەكتى ماسەلەلەردى تالقىلاپ، يدەيالارىن جاريالادى. بايلانىس ورناتىپ، پرەزەنتاسيالار جاساپ، الداعى جىلعا جوسپارلارىن ايتىپ ءوتتى.
بۇدان بولەك Astana Media Week قازمەديا ورتالىعىمەن جانە بۇۇ جاھاندىق كوممۋنيكاسيا دەپارتامەنتىنىڭ ق ر وكىلدىگى بۇۇ ق ر اقپاراتتىق بيۋروسى بىرىگە، جاس جۋرناليست ستۋدەنتتەرگە تەگىن 72 ساعات كولەمىندە بىلىكتىلىكتى ارتتىرۋ كۋرستارىن وتكىزدى. بۇل كۋرس ستۋدەنتتەرگە قازمەديا ورتالىعىنىڭ ىشكى اس بولمەسىن كورسەتتى دەسەك تە بولادى. حابار اگەنتتىگى مەن قازاقستان ۇلتتىق ارناسىنىڭ قولداۋىمەن ديكتورلار، تانىمال تەلە-جۇرگىزۋشىلەرمەن جەكە كەزدەسۋلەر، تەلەارنالارعا جانە ستۋديالارعا، راديولارعا ەكسكۋرسيالار ۇيىمداستىرىلدى.
سونىمەن قوسا وسى ءىس-شارا اياسىندا «Urker Awards» پرەمياسى وتكىزىلدى. بۇل ۇلتتىق سىيلىق باسپا، راديو، ينتەرنەت-جۋرناليستيكا سالاسىنداعى ۇزدىك جەتىستىكتەرى ءۇشىن بەرىلەدى، جۋرناليستيكانىڭ بەدەلىن ارتتىرۋعا، كاسىبي ستاندارتتاردى بەكىتۋگە باعىتتالعان. بايقاۋدىڭ ماقساتى تالانتتى جۋرناليستەر مەن شىعارماشىلىق ۇجىمداردى انىقتاۋ، ولاردىڭ كاسىبي جۋرناليستيكانى دامىتۋعا قوسقان ۇلەسىن مويىنداۋ جانە ولاردىڭ شىعارماشىلىعىنا كوپشىلىكتىڭ نازارىن اۋدارۋ. بايقاۋ 13 نوميناسيا بويىنشا وتكىزىلەدى، ونىڭ ىشىندە مەديا سالانى دامىتۋعا قوسقان ۇلەسى باعا جەتپەس كورنەكتى تۇلعالاردىڭ قۇرمەتىنە 3 ارنايى سىيلىق. فيناليستەرگە كۋالىك، "URKER" ەستەلىك مۇسىنشەسى جانە ءبىر ميلليون تەڭگە كولەمىندە اقشالاي سىيلىق تابىس ەتىلە وتىرىپ، جەڭىمپاز اتاعى بەرىلەدى.
جالپى قورىتا كەلە وسى مەديا شارالاردىڭ ەلىمىزگە پايداسى جايىندا ايتىپ وتسەك. ەلىمىزدىڭ بولاشاعى بولاتىن جاستارعا، سونىمەن قوسا ب ا ق سالالارىنىڭ دامۋىنا ءارى ساپاسىن ارتتىرۋعا ۇلكەن پايداسىن قوساتىنى ءسوزسىز. وسى شارا اياسىندا ءتۇرلى، باق-نا بايلانىستى كۇردەلى ماسەلەلەردى، جۋرناليستەردىڭ ءسوز بوستاندىعىن ارتتىرۋ جايىندا جانە ايماقتىق گازەت-جۋرنال باسپالارىنىڭ كەلەشەگى تالقىلاندى. ارينە بۇل قازاقستانداعى ب ا ق جۋرناليستەرىنىڭ ۇيىمشىلدىعىن جانە كوممۋنيكاسياسىن ارتتىرا تۇسەدى. كوممۋنيكاسيا ارقاسىندا كوپتەگەن جۋرناليستەر تاجىربيە الماسىپ، الداعى كاسىبي ماقساتتارىن ناقتىلاپ، ەلدەگى جۋرناليستەر مۇددەسى مەن ب ا ق قۇرالدارىنىڭ دامۋ جولىندا ايانباي ەڭبەك ەتۋىنە سەنەمىز.
قايرات ۇلى ءالىمجان جەتەكشى: اعا-وقىتۋشى رۋشانوۆا نەليا بەريكوۆنا
You Might Also Like
-
كەشە يۋنيسەف ەرىكتىلەرىنىڭ العاشقى ونلاين كەزدەسۋى ءوتتى. ءبارى جاقسى باستالدى، مەن كوپتەگەن ادەمى تۇلعالاردى كوردىم، كوپتەگەن سپيكەرلەر ادامدارعا كومەكتەسكىسى كەلدى.
-
ءتىل - ۇلتتىڭ ايناسى. ءتىلدىڭ قۇدىرەتى اسپانمەن تالاسقان تاۋدى سىلكىنتىپ، ادام جۇرەگىنىڭ پارشا-پارشاسىن شىعاراتىن كولەڭكە قۇبىلىس. بۇل ءتىل نەبىر شەشەندى سايراتىپ، نەبىر كوسەمنىڭ توردەگى باسىن ەسىكتەن...
