InfoHub Logo

استانادا م.وتەمىس ۇلى اتىنداعى وقۋشىلار سارايىندا قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان بالالار شىعارماشىلىعى مەن بەينەلەۋ ونەرىنىڭ «تۇمار-2016» قالالىق كورمەسىنىڭ قورىتىندىسى شىعارىلدى. كورمەگە 250 وقۋشى قاتىستى، دەپ حابارلادى قالالىق اكىمدىكتىڭ باسپا ءسوز قىزمەتىنەن.

جاس شەبەرلەر كوللاجدار، اپپليكاسيالار، ويۋ-ورنەكتەر، مۇسىندەر، اس ءۇي زاتتارىن جانە ت.ب. جاساعان.

بايقاۋ قورىتىندىسى بويىنشا «ارت-ينستاللياسيا» نوميناسياسىندا «نۇر وردا» مەكتەبىنىڭ وكىلى سەگىز جاسار احمەت قابدوللا ۇزدىك اتاندى.
«ساندىك-قولدانبالى ونەر» ساناتىندا №2 مەكتەپ-گيمنازياسىنىڭ وقۋشىسى ايىم قايورعازينوۆا كوش باستادى. «ماكەتتەر، كوللاجدار، قاعازباستىلىق» نوميناسياسىندا №27 مەكتەپ-ليسەيىنىڭ شاكىرتى كاميلل كامالوۆتىڭ جانە ەلەنا كيرپيچيەۆانىڭ ەڭبەكتەرى ەرەكشە دەپ تانىلدى. ەڭ كرەاتيۆتى ءمۇسىننىڭ اۆتورى №1 ماتەماتيكالىق-ەكونوميكالىق ليسەيدىڭ وقۋشىسى ون التى جاسار ەرمەك تۇرعىمبايەۆ بولىپ شىقتى.
- بايقاۋ ەلوردادا ەكىنشى رەت وتكىزىلىپ وتىر. ءار مەكتەپتە تەحنولوگيا ساباعى وتكىزىلەدى، بالالارعا بار ۇيرەنگەنىن كورسەتەتىن الاڭ قاجەت. كورمەگە ءارتۇرلى جۇمىستار ۇسىنىلادى، بارلىعى ۇلتتىق ونەر تۇرلەرىنە ارنالادى. وتكەن جىلى نەگىزىنەن ۇلتتىق ناقىشتاعى بۇيىمدار جاسالدى، بۇل جولى قازاقستاننىڭ بولاشاعىنا ارنالعان زاتتار كوپ بولدى، - دەدى م. وتەمىس ۇلى اتىنداعى وقۋشىلار سارايى ديرەكتورىنىڭ ورىنباسارى الماگۇل جاپاروۆا.

---