InfoHub Logo

50 جاستاعى دين كارنازەس ۇزاق ديستانسيالارعا جۇگىرەتىن الەمدەگى ەڭ تانىمال جەلاياق بولىپ سانالادى. ونىڭ ەسەبىندە كوپتەگەن رەكوردتىق جۇگىرۋلەر بار. دەگەنمەن ول سپورتپەن شىنداپ اينالىسۋدى 30 جاسىندا باستاعان.

كارنازەستىڭ كوپتەگەن جەتىستىكتەرىنىڭ بىرنەشەۋىن ۇسىنامىز:

— 43 جاسىندا ول ۇزدىكسىز 560 كم جۇگىرگەن. وسى ۋاقىتتا ول ءۇش كۇن ۇيىقتاماعان، 3 كيلوگرامم سالماق تاستاعان جانە 40 مىڭ كيلوكالوريا جاققان؛

— 44 جاسىندا اقش-تىڭ ءار شتاتىندا 50 كۇن بويى 50 مارافوندى جۇگىرىپ وتكەن؛

— 49 گرادۋس سەلسيي كەزىندە كاليفورنيالىق ءولىم القابىن جۇگىرىپ وتكەن؛

— وڭتۇستىك پوليۋستەگى تۇڭعىش جانە جالعىز مارافونعا قاتىسىپ، ەكىنشى ورىنعا يە بولعان.

ءبىر قىزىعى، كازارەس جۇگىرۋدى 30 جاسىن تويلاۋدەن كەيىن، ماس كۇيىندە باستاعان. ال بۇعان دەيىن ول كورپوراسيادا ىستەيتىن قاراپايىم جۇمىسشى بولعان. الايدا 50 كيلومەترگە سوزىلعان ەڭ ءبىرىنشى جۇگىرىس ءبارىن وزگەرتتى. بۇگىندە جۇگىرۋ – كازارەستىڭ باستى ماماندىعى. قوسىمشا ىستەرى – پايدالى ونىمدەر ساتۋ، جىگەرلەندىرەتىن كىتاپتار جازۋ جانە ءتۇرلى جيىندار مەن كونفەرەنسيالاردا ءسوز سويلەۋ. Time جۋرنالى ونى «الەمدەگى ەڭ بەدەلدى ادامداردىڭ توپ-100-دىگىنە» كىرگىزەدى.

ءديننىڭ سوڭعى 20 جىلدا جەتكەن عاجايىپ سپورتتىق جەتىستىكتەرى، بۇل، ارينە، قاجىرلى جاتتىعۋلار مەن اعزانىڭ ەرەكشەلىكتەرىن ءاردايىم دامىتۋدىڭ ناتيجەسى. الايدا كازارەستىڭ وزىندىك بىرنەشە قۇپياسى دا بار. سولاردىڭ بىرنەشەۋىن نازارلارىڭىزعا ۇسىنامىز:

1. باتىل بولىڭىز

قول جەتكىزۋ مۇمكىن ەمەستەي كورىنەتىن ماقساتتاردان قورىقپاڭىز. «باعىندىرۋعا تۇرارلىق كەز كەلگەن ماقسات تاۋەكەلدەن تۇرادى»، - دەپ جازادى كارنازەس ءوزىنىڭ «ۋلترامارافون-ادام: تۇنىمەن جۇگىرۋشىنىڭ جازبالارى» اتتى اۆتوبيوگرافيالىق كىتابىندا.

2. باۋسىز ءجۇرىڭىز

ۇزاق ديستانسيالارعا جۇگىرگەندە ەڭ ءبىر ىڭعايسىزدىق تۋدىراتىنى – باۋلاردى بايلاۋ. 50 ميل جۇگىرىپ وتكەن سوڭ تىزەرلەپ وتىرۋ نەمەسە اياق كيىمدى بايلاۋ ءۇشىن ەڭكەيۋدىڭ ءوزى قيىن بولىپ كەتەدى. كارنازەس باۋسىز كروسسوۆكالارمەن جۇگىرەدى.

3. مۇمكىندىكتەرىڭىزدىڭ شەگىن سىناڭىز

1995 جىلى 135 ميل قاشىقتىقتان تۇراتىن ەڭ العاشقى ۋلترامارافونىندا كارنازەس ءولىم مەن ءومىر اراسىندا ارپالاستى: ىستىق كۇندە جۇگىرۋ كەزىندە ول ەلەستەۋشىلىك، جۇرەك اينۋ مەن ديارەياعا ۇشىرادى. سول جولى ول ارالىقتى باعىندىرا المادى، الايدا كەلەسى جىلى سول جولعا قايتىپ ورالىپ، ونىنشى ورىنعا يە بولدى. 2004 جىلى بەسىنشى تالپىنىستان كەيىن ول بۇل ۋلترامارافوندا ءبىرىنشى بولىپ كەلدى.

4. قۋات بەرەتىن كەز كەلگەن تاعامدى جەڭىز

ۇزاق جۇگىرىستەرى كەزىندە كارنازەس ءتۇرلى تاعامدى شەكسىز مولشەردە جەيدى – سەبەبى ونىڭ سۋپەرجۇگىرىسى كالوريالاردى زور مولشەردە كەتىرۋگە مۇمكىندىك بەرەدى. باسقا كەزدەرى سپورتشى اسكەتيكالىق ديەتانى ۇستانادى. ول ءتىپتى جەمىستى دە كوپ مولشەردە جەمەيدى، سەبەبى ونىڭ قۇرامىندا قانت مولشەرى كوپ.

5. از ۇيىقتاڭىز

30 جاسىندا قاراپايىم تاسىلمەن ەرەكشە ءومىر ءسۇرۋدى باستاعان كارنازەل تاۋلىگىنە 4 ساعات ۇيىقتاۋدى ادەتكە اينالدىرعان. سونىڭ ارقاسىندا ول كوپ نارسەگە ۇلگەرەتىن بولعان، بۇدان وزگە تۇندە جۇگىرۋ مۇمكىندىگىنە يە بولعان – ونىڭ سوزىنشە، تۇندە جۇگىرۋ ادامدى كەرەمەت تىنىشتاندىرادى. بۇعان دەيىن كوپتەگەن ادام سياقتى 8 ساعاتتان كەم ەمەس ۇيىقتاپ جۇرگەن كارنازەس «ادام دەنەسى ادەتتەگىدەن تىس ەرلىك جاساي الادى»، — دەيدى.

6. دەنەڭىزگە قوجايىننىڭ كىم ەكەنىن كورسەتىڭىز

«ادام دەنەسىنىڭ ءوز شەگى بار، ءبىراق ادام رۋحى ەشتەڭەمەن شەكتەلمەيدى، — دەيدى دين كارنازەس. ول ەڭ الدىمەن ءوز ساناڭ مەن مىنەزىڭدى جاتتىقتىرۋ كەرەكتىگىن ايتادى. — ءسىزدىڭ ميىڭىز – ءسىزدىڭ ەڭ باستى بۇلشىق ەتىڭىز. ءومىر – بۇل مولاعا ادەمى جانە جاقسى ساقتالعان دەنەمەن ءقاۋىپسىز كەلۋ ەمەس، كەرىسىنشە كەمەنى تەجەگىشتەن بوساتىپ، بارىنشا پايدالانۋ، تولىقتاي توزدىرۋ جانە «بۇل نە ءجۇرىس؟ مىنە، مەنىڭ قولىمنان نە كەلەدى!» دەپ جار سالۋ.

---