اسحات ايماعامبەتوۆ جوو وقىتۋشىلارىنىڭ ايلىعىن ارتتىرۋ جولدارىن اتادى
ءبىلىم جانە عىلىم ءمينيسترى اسحات ايماعامبەتوۆ جوعارى وقۋ ورىندارىنىڭ وقىتۋشىلارىنىڭ ايلىعىن ارتتىرۋ جولدارىن اتادى.
ءبىلىم جانە عىلىم مينيسترلىگىنىڭ اپپاراتتىق وتىرىسىندا بايانداما جاساعان ۆيسە-مينيستر ميراس داۋلەنوۆ قازىرگى ۋاقىتتا 30 جوو-دا وقىتۋشىلاردىڭ ايلىعى 30 پايىزعا كوتەرىلگەنىن جەتكىزدى. دەسە دە ولاردىڭ ورتاشا جالاقىسى تومەن كۇيدە قالىپ وتىر.
«مەكتەپ مۇعالىمدەرىنىڭ ايلىعىنان جوو وقىتۋشىلاردىڭ جالاقىسى از. وسىعان بايلانىستى جوو وقىتۋشىلارى مەكتەپكە كەتىپ جاتىر. مۇنداي تەندەنسيانىڭ كۇشەيىپ بارا جاتقانىن دا بايقاۋعا بولادى. سول سەبەپتى مەملەكەتتىك جوو-لاردا گرانتتاردىڭ سانىن ارتتىرۋ كوزدەلۋدە»، - دەدى ول.
بۇل ماسەلەگە قاتىستى ءبىلىم جانە عىلىم ءمينيسترى اسحات ايماعامبەتوۆ قازاقستانداعى جوو وقىتۋشىلارىنىڭ جالاقىسى وتە تومەن بولىپ تۇرعانىن جەتكىزدى.
«مەملەكەتتىك ءبىلىم بەرۋ جانە عىلىمدى دامىتۋ باعدارلاماسى شەڭبەرىندە بيىل گرانتتاردىڭ قۇنى بىرنەشە ەسە وسەدى. بۇل قانداي ناتيجە بەرەدى؟ بىرىنشىدەن، ءبىزدىڭ وقىتۋشىلاردىڭ جالاقىسىن ارتتىرۋعا مۇمكىندىك بەرەدى. عىلىم سالاسىندا دا قارجىلاندىرۋ بىرنەشە ەسە ءوسىپ جاتىر. سوندىقتان وسى وزگەرىستىڭ ءبارى ءوزىنىڭ سەپتىگىن تيگىزۋى ءتيىس. جالاقى ماسەلەسى بويىنشا ءتيىستى جۇمىس جۇرگىزۋ كەرەك. بىرىنشىدەن ءبىزدىڭ ۋنيۆەرسيتەتتەر (مەملەكەتتىك ۋنيۆەرسيتەتتەر بويىنشا) ءتيىمسىز شىعىنداردى قايتا قاراۋى ءتيىس. ءارتۇرلى ءتيىمسىز فورۋمداردى، شارالاردى قىسقارتۋ كەرەك. پرەزيدەنت قاڭتار ايىندا ۇكىمەتتىڭ كەڭەيتىلگەن وتىرىسىندا وسىنداي تاپسىرما بەرگەن بولاتىن. ول تەك مينيسترلىكتىڭ اپپاراتىنا قاتىستى ەمەس، ول كۆازيمەملەكەتتىك مەكەمەلەرگە دە قاتىستى ماسەلە»، - دەدى مينيستر.
You Might Also Like
-
29 قاڭتار كۇنى الماتىدا «الەمنىڭ ەكىنشى ۇستازى» اتانعان ءابۋ ناسىر ءال-فارابي بابامىزدىڭ 1150 جىلدىعى سالتاناتتى تۇردە ستارت الادى. وتكەن جىلى-اق زامانالاردىڭ عۇلاما عالىمىنىڭ مەرەي...
-
اقشاھاردىڭ كەدەيى جولدان ءبىر قاتقان نان تاۋىپ الادى دا، ونى امالىن تاۋىپ جۇمساتىپ جەمەك بولادى. ءبىر ناۋايحانانىڭ الدىنا كەلەدى. تونارداعى ىستىق ناننىڭ جاعىمدى ءيىسى ونىڭ كەڭسىرىگىن جارادى، جاقىنداپ ...
