اتا-انالار تالدىقورعاندىق تاربيەشىنى جۇمىسىنا قايتارۋدى تالاپ ەتتى
تالدىقورعانداعى № 42 بالاباقشانىڭ اتا-انالارى تاربيەشىنى جۇمىسىنا قايتارسىن دەپ تالاپ ەتىپ وتىر، دەپ حابارلايدى قازاقپارات ءتىلشىسى.
اتا-انالار تاربيەشى سۆەتلانا دجەكسەمبايەۆانى تاجىريبەلى، 35 جىلدان استام ەڭبەك ءوتىلى بار، بالالاردى وتە جاقسى تاربيەلەيتىن مامان دەپ سانايدى.
«ءبىزدىڭ تاربيەشىمىزدى نەگىزسىز جۇمىستان قۋدى. تەك ءبىر ادام عانا جاسىرىن تۇردە ارىز جازعان. سونىڭ نەگىزىندە جۇمىستان شىعارىپ جىبەردى. ول ەشكىمگە كىتاپ-داپتەر ال دەپ تالاپ قويعان جوق»، - دەدى اتا-انانىڭ ءبىرى ولەسيا كنورر.
ءقازىر عانا تاربيەشىنى جۇمىسىنا قايتارسىن دەگەن اتا-انالار الماتى وبلىستىق ءبىلىم باسقارماسى باسشىسىنىڭ ورىنباسارى جاننا ماگدانقىزىنان كومەك سۇرادى.
«ءبىز بۇل ماسەلەنى مىندەتتى تۇردە انىقتايمىز. ەگەر بالاباقشا توبىنداعى 35 بالانىڭ 34ء-ىنىڭ اتا-اناسى تاربيەشى جۇمىستان كەتپەسىن دەپ وتىرسا، راسىمەن دە ويلاناتىن جاعداي»، - دەدى الماتى وبلىستىق ءبىلىم باسقارماسى باسشىسىنىڭ ورىنباسارى جاننا ماگدان قىزى.
ءقازىر اتا-انالار وبلىستىق ءبىلىم باسقارماسىنىڭ باسشىسى ءلاززات بازارقۇلوۆانىڭ اتىنا وتىنىشتەرىن جازىپ، تاربيەشىنىڭ ماسەلەسىنە نەمقۇرايلى قاراماۋىن ءوتىندى.
ەستەرىڭىزگە سالا كەتەيىك، كەشە اتا-انادان 18 وقۋ-داپتەرىن ساتىپ اكەلۋدى تالاپ ەتكەنى دالەلدەنگەن تالدىقورعانداعى № 42 بالاباقشانىڭ تاربيەشىسى قالا اكىمىنىڭ ورىنباسارى مارلەن كولبايەۆتىڭ جينالىسىنان كەيىن، قالالىق ءبىلىم ءبولىمىنىڭ بۇيرىعىمەن جۇمىستان شىعارىلدى. ال بالاباقشا مەڭگەرۋشىسىنە سوگىس جاريالاندى. سونداي اق جيىندا مارلەن كولبايەۆ مەملەكەتتىك مەكەمەلەردە بالالاردى وقۋلىقتارمەن قامتۋ ءۇشىن قاجەتىنشە قاراجات قاراستىرىلعان. ال وقۋ-داپتەرلەرىن الۋ-الماۋ اتا-انانىڭ ءوز ەركىندە. ءبىراق، ونى تالاپ ەتۋ - جەمقورلىققا جەتەلەيدى دەپ اتاپ وتكەن بولاتىن.
You Might Also Like
-
قاراعاندىدا 8-سىنىپ وقۋشىسىن پىشاق جاراقاتىمەن مەكتەپتەن اۋرۋحاناعا جەتكىزىلدى، دەپ حابارلادى قازاقپارات.
-
جالپىعا ورتاق قولدانىستاعى جولدارمەن جۇرگىزۋشىنىڭ كومەگىنسىز ءجۇرۋ ءۇشىن، اۆتوموبيلدەر تولىققاندى اۆتوپيلوت پايدالانا الاتىنداي ۋاقىتقا دەيىن ءالى بىرنەشە جىل بارداي بولىپ كورىنىپ ەدى. الايدا Te...
