اتىراۋدا جاستار ءۇشىن 220 پاتەر سالىنىپ جاتىر
اتىراۋ وبلىسىندا جاستارعا ارنالىپ بارلىعى 220 پاتەر بولاتىن ۇيلەر سالىنىپ جاتىر. ولاردىڭ 120 پاتەرى بيىلعى ناۋرىزدا اياقتالادى دەپ جوسپارلانعان، ال قالعان 100 پاتەرلى ءۇيدىڭ قۇرىلىسى ەندى باستالدى. ۇيلەر جاس وتباسىلارعا ارنالعان “جاس وتاۋ” باعدارلاماسى بويىنشا تۇرعىزىلىپ جاتىر. بۇل تۋرالى اتىراۋ وبلىسىنىڭ اكىمى نۇرلان نوعايەۆ اكىمدىكتە وتكەن كەزەكتى جينالىستا ايتتى.
دەگەنمەن، ايماق باسشىسى بۇل پاتەرلەردىڭ ازدىق ەتەتىنىن، جاستارعا دەگەن قولداۋدى بارىنشا ۇدەتۋ قاجەت ەكەنىن ايتتى.
“بيىل تاپسىرىلايىن دەپ وتىرعان 120 پاتەردىڭ ءارقايسىسىنا 10 ادامنان كەلىپ وتىر. ءۇي الىپ، ءۇي بولۋعا مۇقتاج ادامدار كوپ. ولاردىڭ بارىنە قولداۋ كورسەتىپ جاتىرمىز. سولاردىڭ ىشىندە جاستارعا دا ارنايى كوڭىل ءبولۋىمىز كەرەك. سەبەبى، جاستار – قوعامنىڭ لوكوموتيۆى. ءقازىر بۇل جوبانى ىسكە اسىرۋعا شىعىس قازاقستان وبلىسى مەن الماتى قالاسى نيەت ءبىلدىرىپ وتىر ”، - دەدى نوعايەۆ.
وبلىس اكىمى، جاستاردى، سونىمەن قاتار، بىرەۋدەن كومەك كۇتپەي، ايانباي ەڭبەك ەتە بىلۋگە شاقىردى.
سىزدەردە ءبىزدىڭ ويىمىزعا كەلە بەرمەيتىن يدەيالار وتە كوپ. ويلارىڭ تىڭ. قازىرگى تەحنولوگيالاردىڭ كوپشىلىگىن سىزدەر سەكىلدى جاستار ويلاپ شىعارعان. بويلارىنداعى پوتەنسيالدى پايدالانىپ، وزدەرىڭ جارىپ شىعۋلارىڭ كەرەك”، - دەدى ايماق باسشىسى.
ايتا كەتەلىك،بىلتىر اتىراۋدا «ديپلوممەن اۋىلعا» بويىنشا 41 جاس مامان بيۋدجەتتىك نەسيە الىپ، 113ء-ى كوتەرمە جاردەماقى العان. سونىمەن قاتار، 298 ادام تۇراقتى جۇمىسقا ورنالاستى. 27 جاس كاسىپكەردىڭ العان نەسيەلەرى سۋبسيديالانىپ، 23 كاسىپكەردىڭ نەسيەسى كەپىلدەندىرىلدى. بيىل اتىراۋ قالاسىندا «جاستار سارايىنىڭ» قۇرىلىسى جوسپارلانىپ وتىر.
You Might Also Like
-
ق ر ءبىلىم جانە عىلىم ءمينيسترى ەرلان ساعادييەۆتىڭ ايتۋىنشا، اعىمداعى جىلى باكالاۆريات، ماگيستراتۋرا مەن دوكتورانتۋراعا قوسىمشا 10 مىڭ گرانت بولىنەدى.
