اتوم ەلەكتر ستانسياسى قاجەت پە؟
اتوم ەلەكتر ستانسياسى-اتوم يادروسىنىڭ ەنەرگياسىن ەلەكتر ەنەرگياسىنا اينالدىراتىن قوندىرعى. ال، اتوم ەلەكتر ستانسياسى بىزگە قاجەت پە؟
وتكەنگە كوز سالساق"چەرنوبىل اپاتى" ەشكىمنىڭ ەسىنەن شىعا قويعان جوق شىعار. وسى اپاتتان تاراعان ۋ تەك ۋكراينا نەمەسە كسرو ەلدەرىنە عانا ەمەس، بۇكىل كارى قۇرلىقتى قامتىدى. قازاقستاندىقتاردىڭ 55%-ى اەس سالۋىنا قارسى. سەبەبى، بىرىنشىدەن، اەس-تىڭ قۇرىلىسى وتە كوپ قارجى مەن وتە كوپ سۋدى تالاپ ەتەدى. قۇرىلىسىنىڭ ءوزى كوپ شىعىنعا ۇشىراتۋىمەن قاتار، ەشقانداي مەملەكەتكە "چەرنوبىل اپاتى"كەرەك ەمەس. ەكىنشىدەن، اتوم ەنەرگەتيكاسىنا قاتىستى تەرىس كوزقاراس ەكولوگيالىق تازا ەنەرگيا كوزدەرىن قۇرۋدى ىنتالاندىرادى جانە بۇل بۇكىل الەمدە كەڭ تارالىپ جاتىر. وسى مالىمەتتەرگە سۇيەنە وتىرىپ، عالىمدار اەس-تەر كەلەسى ونجىلدىقتا مۇلدەم جوعالىپ كەتەدى دەپ بولجايدى. ۇشىنشىدەن، اەس ۋراننان ۇلكەن كولەمدە قالدىقتار قالادى. ونى ساقتاۋ ءۇشىن جەراستىندا ۇلكەن ينفراقۇرىلىم بولۋى قاجەت. تورتىنشىدەن، اەس-تە اپاتتى جاعداي وتە از كەزدەسەدى. ءبىراق اپات بولا قالعان جاعدايدا، ونىڭ الدىن الۋ مەن رادياسيانى جويۋ مۇمكىن ەمەس بولىپ قالادى. ساراپشىلاردىڭ پىكىرىنە سۇيەنسەك، اسەت ناۋرىزبايەۆ:"اەس بىزگە كەرەك ەمەس. ويتكەنى اتوم ەلەكتر ەنەرگياسى وتكەن عاسىردىڭ سارقىنشاعى. اتوم قارۋىن شىعارۋعا بايلانىستى قولدانىلعان. ال ءقازىر ادامزات ودان دا ارزان ءقاۋىپسىز ەنەرگيا كوزدەرىن ويلاپ تاپتى. وكىنىشكە وراي كوپشىلىك سونى تۇبەگەيلى تۇسىنبەي كەلەدى. اتوم يندۋسترياسىنا دەگەن قۇشتارلىق باسىم"، -دەدى.
بۇل جاعداي تۋرالى ناقتى ءبىر شەشىمگە كەلۋ وتە قيىن. سەبەبى جاقتاۋشىلار مەن داتتاۋشىلار ويلارى تەپە-تەڭ ءتۇسىپ تۇر. ءسىز بۇل تۋرالى نە ويلايسىز؟! قازىرگى ۋاقىتتا بەلەڭ الىپ تۇرعان ماسەلەلەردىڭ ءبىرى رەتىندە، ءوز ويىڭىزبەن بولىسە كەتىڭىز...
گۇلىمكوز ورىنگازييەۆا
You Might Also Like
-
كىتاپحانا ءبىلىمنىڭ، يدەيانىڭ جانە تاريحتىڭ بايلىعىن تاباتىن ورىن. بىرنەشە عاسىرلار بويى ولار اقىل-وي قويماسى، عالىمدار مەن ستۋدەنتتەر ءوز كوكجيەكتەرىن كەڭەيتە الاتىن ورىندار رەتىندە قىزمەت ەتىپ كەلە ...
-
مەنىڭ وتانىم - تاۋەلسىز، زايىرلى قازاقستان! گلوبۋس پەن الەم كارتاسىن اشىپ قاراساق تا العاش كوزگە تۇسەتىن ءىرى مەملەكەتتىڭ ءبىرى. قازاقستان رەسپۋبليكاسى تاۋەلسىزدىككە قول جەتكىزىپ، اتا زاڭدى قابىلداعا...
