InfoHub Logo

مەنىڭ وتانىم - تاۋەلسىز، زايىرلى قازاقستان! گلوبۋس پەن الەم كارتاسىن اشىپ قاراساق تا العاش كوزگە تۇسەتىن ءىرى مەملەكەتتىڭ ءبىرى. قازاقستان رەسپۋبليكاسى تاۋەلسىزدىككە قول جەتكىزىپ، اتا زاڭدى قابىلداعاننان باستاپ ءوزىن زايىرلى، كوپۇلتتى، قۇقىقتىق جانە الەۋمەتتىك مەملەكەت رەتىندە ورنىقتىردى. ونىڭ ەڭ قىمبات قازىناسى - ادام جانە ادامنىڭ ءومىرى، قۇقىقتارى مەن بوستاندىقتارى دەپ ايقىن كورسەتىلگەن. دەمەك، قازاقستاندا ءومىر ءسۇرىپ جاتقان ءاربىر ادامنىڭ ءوز قۇقىعى، ءوز ءدىني سەنىمى بار. بۇل دەگەنىمىز، زاڭدا كورسەتىلگەندەي زايىرلىلىق قاعيداتىن ۇستانا وتىرىپ، ءدىن مەن مەملەكەت بايلانىسىنىڭ بىر-بىرىنە بەيتاراپتىلىعى، ياعني، ارالاسپاۋىن كورسەتەدى. زايىرلىلىق ءپرينسيپى ادامنىڭ ءدىني سەنىم بوستاندىعىنا ەركىندىك بەرەدى. زايىرلى مەملەكەتتىڭ ەرەكشەلىگى - ەشبىر ءدىندى وزگە دىندەردەن ارتىق دەپ سانامايدى. بۇل دەگەنىمىز، قوعامداعى تەڭدىك پەن تاتۋلىقتى ساقتاۋعا پايداسىن تيگىزەدى. دەمەك، ءار ادامنىڭ قانداي ءدىندى ۇستانسا دا، ەجەلدەن كەلە جاتقان سالت-داستۇرلەرىن جاڭعىرتسادا وعان شەكتەۋ جوق. ءار ۇلت وكىلى باسقا ۇلتتىڭ دىنىنە، سالت-داستۇرىنە قۇرمەتپەن، تولەرانتتى كوزقاراسپەن قاراۋ كەرەك. تولەرانتتى ەل بولۋىمىزدىڭ ءوزى مەملەكەت ءۇشىن، ءوز مادەنيەتىمىزدىڭ كوركەيىپ دامۋىنا، باسقا ۇلتتاردىڭ مادەنيەتىنىڭ دامۋىنا ءوز ۇلەسىن قوسادى دەپ ويلايمىن. كوپ ۇلتتى قازاقستاننىڭ ءاربىر ازاماتى زايىرلىلىق ۇعىمىن ءتۇسىنىپ، دۇنيەتانىمىنا ەنگىزە بىلسە، ىنتىماعى جاراسقان ماڭگى تاۋەلسىز، زايىرلى مەملەكەت بولىپ ودان ءارى دامۋىمىزعا جول اشامىز دەپ ويلايمىن. ءبىزدىڭ بورىشىمىز وتانىمىزدى ءسۇيىپ، اشىق قوعامدا وزگە ۇلتتىڭ ءدىني سەنىمىنە قۇرمەتپەن قاراپ، ءدىني تاربيەمىز بەن ءدىني ساۋاتتىلىعىمىزدى ارتتىرساق، زايىرلى ەلدە ءومىر ءسۇرۋ دامۋىمىزدىڭ كورىنىسى دەپ ويلايمىن.

ريزابەك سۇڭقار 4 كۋرس ءدىنتانۋ ماماندىعى

---