InfoHub Logo

تويدا، ويىن-ساۋىقتا، قوناقكادە سۇراعاندا، كوبىنەسە الىستان كەلگەندەر: «اۋىلدىڭ التى اۋىزى» بولمايتىن بە ەدى؟ اۋەلى وزدەرىڭىز باستاڭىزدار»، - دەپ قالاتىن ادەتى بار. دەمەك، بۇل – جول اۋىلدىكى، ونەر، ولەڭ اۋىلدان باستالسىن دەگەن ءسوز. ءسويتىپ، ولەڭ اۋىل ونەرپازدارىنان باستالادى. اۋىلدىڭ التى اۋىزى دەگەنىمىز وسى. بۇل ولەڭ تابان استىندا سۋىرىپ سالىپ ايتىلعان ولەڭ نەمەسە بۇرىننان تانىس ولەڭ، جىرلار دا بولۋى مۇمكىن. مۇنىڭ ءان، اۋەنى دە ءار ءتۇرلى بولادى. ول ەلدەن-ەلگە تارالا بەرەدى. اۋىلدىڭ التى اۋىزى ونەردى دامىتۋعا، ءانشى، دومبىراشىلاردىڭ تالانتىن كورسەتۋگە زور قىزمەت ەتكەن. دالا ونەرىن دامىتقان، ورىستەتكەن. جاستاردى ونەرپازدىققا باۋلىعان.

---