InfoHub Logo

بيلل گەيتسكە تابىستى بولۋعا نە كومەكتەستى؟ ءسىز دە ول سياقتى مىقتى، تابىستى، وقىمىستى بولعىڭىز كەلە مە؟ وندا تانىمال ادامنىن 10 ەرەجەسىنە نازار سالىڭىز. وسى ەرەجەلەردى ۇستانۋ ارقىلى ءسىز دە ارمانىڭىزعا جاقىنداي تۇسەسىز.

1. باسەكەگە قابىلەتتىلىك. جوعارى اقىل-پاراساتىنان جانە مۇمكىندىكتەردى قالت جىبەرمەيتىن قابىلەتىنەن وزگە، بيلل وزىنە تەڭ ادامداردىڭ اراسىندا مىقتى بولعاندىعىن دوستارى دا ايتادى. وسىلايشا، باسەكەگە قابىلەتتىلىكتى باسقا ادامدارمەن بىردەي مۇمكىندىكتە بولا تۇرا ولاردان سۋىرىلىپ شىعا العاندىعىمەن انىقتاۋعا بولادى. دامىعىڭىز كەلەتىن سالانى تاڭداڭىز، جانە سول سالادا جەتىستىككە جەتۋگە تىرىسىڭىز. مىندەتتى تۇردە الدىڭىزعا ماقسات قويىڭىز، كۇندەلىكتى ناتيجەنى جاقسارتۋعا تىرىسىڭىز.

2. تاباندىلىق. ناقتى ءبىر تاپسىرمانى جاۋابى تابىلعانشا تاباندىلىقپەن ىزدەنۋ تابىسقا جەتەلەيدى جانە كەز كەلگەن ماسەلەنى شەشۋگە كومەكتەسەدى. ماقساتقا جەتەر جولدا مىندەتتى تۇردە كەدەرگىلەرگە تاپ بولاسىز، سولارعا دايىن بولۋ كەرەك، جانە جوسپارلى تۇردە ءاردايىم العا جىلجي بەرۋ كەرەك.

3. كىتاپ وقۋ. بيلل گەيتس قانا ەمەس، كوپتەگەن تابىستى ادامدار كىتاپ وقۋدى دۇرىس دەپ سانايدى. ولاردىڭ تابىسقا جەتۋىنىڭ بىردەن-بىرى سىرى جاڭا ءبىلىم الىپ وتىرۋىندا، اقىل-پاراساتىن دامىتىپ وتىرعاندىعىندا.

كىتاپ وقۋ:

a. زەيىن قويۋدى جاتتىقتىرادى – اقپاراتتى قابىلداۋ ءۇشىن بار زەيىنىڭدى سول اقپاراتقا عانا سالۋدى تالاپ ەتەدى؛

b. اقىل-پاراساتتى جاتتىقتىرۋ مەن دامىتۋعا كومەكتەسەدى – وقۋ كەزىندە ماقالانى سارالاۋ، باعالاۋ ىسكە قوسىلادى؛

c. ەستە ساقتاۋدى جاتتىقتىرادى؛

d. ءبىلىم الۋدى، باسقا ادامداردىڭ تاجىريبەلەرى مەن قاندايدا ءبىر جاعدايلارعا كوزقاراسىن بىلۋگە مۇمكىندىك بەرەدى.

4. ەڭ ماڭىزدى، ءبىر تاپسىرماعا دەن قويا ءبىلۋ. بىرنەشە ءىستى بىردەي الىپ ءجۇرۋ بىرەۋىن دە تولىققاندى اياقتاۋعا مۇمكىندىك بەرمەيدى. ەگەر ءسىز ناقتى ءبىر جۇمىسپەن اينالىسىپ جۇرگەن بولساڭىز، وندا بار كوڭىلىڭىزدى سوعان ءبولىڭىز، باسقا نارسەگە الاڭداماڭىز.

5. ءوز قابىلەتىڭدى دۇرىس باعالاۋ. ءبىز بار جاعىنان مىقتى، تابىستى بولا المايمىز، كەيبىر زاتتار قولىمىزدان كەلىپ جاتسا، كەيبىر تۇستا السىزدىك تانىتامىز. بۇدان وزگە، ءبارىن قامتۋ مۇمكىن ەمەس. ناقتى ءبىر سالاعا قاتىستى مۇمكىندىكتەرىڭىزدى، قابىلەتىڭىزدى دۇرىس باعالاڭىز. الدىڭىزعا قانداي ماقسات قوياسىز، سوڭىندا نەگە جەتپەك ويىڭىز بار، جانە سول باعىت بويىنشا ءجۇرىپ وتىرىڭىز.

6. قولىڭنان كەلەتىن ءىستى جاسا. دوستارىڭا ىلەسىپ، نەمەسە ءساندى بولعانى ءۇشىن ءبىر ىسپەن اينالىسۋ، ناتيجەسىندە قاتەلىككە جانە تۇڭىلۋگە اكەلۋى مۇمكىن. قالاۋىڭىزعا ساي كەلمەسە دە، قولىڭىزدان كەلەتىن، جاساي الاتىن ءىستى جاساڭىز.

7. ءتيىمدى جولدى ىزدەڭىز. تابىسقا جەتەلەيتىن ەڭ قىسقا جولدى ىزدەڭىز، ارتىق كۇش، ۋاقىت پەن اقشا جۇمساماي-اق وڭتايلى شەشىم تابا الاتىنداي بولىڭىز. ءار نارسەنىڭ بىرنەشە شەشىمى بولادى، سونىڭ ەڭ تابىستىسىن انىقتاي الاتىن بولىڭىز.

8. ىجداھاتتىق. جالقاۋلىق تابىسقا جەتەلەمەيدى. ءاردايىم وزىڭمەن جۇمىس ىستەپ، شەشىمىن ىزدەپ، العا جىلجىپ وتىرۋ كەرەك.

9. ءوز كومانداڭدى جاساقتاۋ. «جالعىزدىڭ ءۇنى شىقپاس» دەگەندەي، جالعىز ءجۇرىپ تاماشا ناتيجەگە قول جەتكىزۋ قيىن. ءسىزدىڭ ويىڭىزدى قولدايتىن، قىزمەتىنە ادال ادامداردى تاڭداپ الىڭىز.

10. ءوزىڭدى سىرتتاي باعالاي الۋ. وز-وزىڭە سىني كوزبەن قاراۋ ءوز كەمشىلىكتەرىڭ مەن قاتەلىكتەرىڭدى كورىپ، ۋاقىتىندا تۇزەۋگە مۇمكىندىك بەرەدى.

بيلل گەيتستىڭ وسى ەرەجەلەرىن پايدالانۋ ارقىلى مىندەتتى تۇردە ءومىرىڭىزدىڭ ساپاسىن ارتتىرىپ، تاڭداعان سالاڭىزدا تابىسقا جەتەسىز.

---