InfoHub Logo

تۇسىنىك حات

ءححى عاسىر – ءبىلىم بەرۋ جۇيەسىن اقپاراتتاندىرۋ عاسىرى. ولاي بولسا، قازاقستان ءبىلىم بەرۋ جۇيەسىن اقپاراتتاندىرۋ ەلىمىزدىڭ دامۋ ستراتەگياسىنىڭ نەگىزگى باعىتتارىنىڭ بىرىنە اينالىپ وتىر.
قازاقستاندا جالپى ءبىلىم بەرۋ جۇيەسىن اقپاراتتاندىرۋ اقپاراتتىق قوعامنىڭ قالىپتاسۋى جاعدايىندا قوعامدىق ماڭىزعا يە بولىپ وتىر. ءبىلىم بەرۋ جۇيەسى تاجىريبەسىندە قالىپتاسقان جاعدايلارعا جاسالعان تالداۋلار – جالپى ءبىلىم بەرۋ جۇيەسىن ۇلتتىق، الەۋمەتتىك – ەكونوميكالىق، رۋحاني جانە مادەني قۇندىلىقتارمەن ءبىرتۇتاس قاراستىرا وتىرىپ، اقپاراتتىق قوعامداعى وزگەرىستەرگە ساي تۇبەگەيلى قايتا قاراۋدى قاجەت ەتۋدە.
قازىرگى كەزدەگى ءبىلىم بەرۋدى ىزگىلەندىرۋ مەن دەموكراتيالاندىرۋعا باعىتتالعان ءبىلىم ستاندارتىن، وقۋدىڭ وزىق تەحنولوگيالارىن، ينفورماتيكادان ءبىلىم نەگىزدەرىن وقىتۋ پروسەسىنە ەنگىزۋ ورتا ءبىلىم بەرۋ جۇيەسىن اقپاراتتاندىرۋ نەگىزى بولىپ تابىلادى.
ورتا ءبىلىم بەرۋ جۇيەسىندەگى ينفورماتيكانىڭ ءرولى اقپاراتتىق ءبىلىمنىڭ، اقپاراتتىق ورتا مەن ادامنىڭ ءوزارا قارىم – قاتىناسىن ۇيلەسىمدى ەتۋدەگى جانە اقپاراتتىق قوعامدا كاسىپكەرلىك قىزمەتتىڭ باستى قۇرامدى بولىگى بولىپ تابىلاتىن اقپاراتتىق تەحنولوگيانى قالىپتاستىرۋداعى، سونداي - اق ونىڭ الەمنىڭ جۇيەلىك - اقپاراتتىق بەينەسىن قالىپتاستىرۋداعى الاتىن ورنىمەن قامتاماسىز ەتىلەدى. ينفورماتيكانىڭ مەكتەپكە ەنۋى سونىمەن بىرگە پەداگوگيكالىق عىلىمداردىڭ پاراديگمالىق جانە مەتودولوگيالىق وزگەرىستەرىن تالاپ ەتەتىن قازىرگى اقپاراتتىق قوعامعا سايكەس كەلىپ وتىر. ولاي بولسا، ورتا ءبىلىم بەرۋ جۇيەسىن اقپاراتتاندىرۋدىڭ نەگىزى – ينفورماتيكا كۋرسىنىڭ مازمۇنىن وزگەرتۋ بولادى. سوندىقتان ينفورماتيكانىڭ ماماندىققا باۋلۋ كۋرسىنىڭ مازمۇنىن اقپاراتتىق قوعام جاعدايىندا انىقتاۋ نەگىزگى ماسەلەلەردىڭ بىرىنە اينالىپ وتىر.
اقپاراتتىق قوعام جاعدايىندا قىزمەت ەتۋ سالالارىنىڭ بارلىق ءتۇرىن اقپاراتتاندىرۋ – بۇگىنگى كۇننىڭ نەگىزگى تالابىنا اينالىپ وتىر. ال بۇل تالاپتى قاناعاتتاندىرۋ ءۇشىن مامانداردى وسى باعىتتا دايىنداۋ قاجەتتىگى تۋىندايدى. سوندىقتان اتالعان قاجەتتىلىكتى شەشۋ بارىسىندا اقپاراتتىق قوعامعا قانداي ماماندار دايىنداۋ ماقساتىندا وقۋ باعدارلاماسىن، وقۋ - ادىستەمەلىك كەشەندەرى، ەلەكتروندى وقۋلىعى مەن قولدانبالى پروگراممالىق قۇرالدارى جاساقتالعان.
بۇگىنگى تاڭدا كومپيۋتەرلىك ديزاين، web – ديزاين، جۇيەلىك پروگراممالاۋشى، ادمينيستراتور جانە ت. ب. مامانداردىڭ قاجەت ەكەندىگىن ءتۇرلى جارنامالىق گازەتتەردەن، بۇقارالىق اقپارات قۇرالدارىنان دا كورۋگە بولادى. اتالعان ماماندىقتاردى قالاي دايىنداپ، ولارعا قانداي پروگراممالىق قۇرالداردى ۇيرەتۋ ارقىلى جەتىلدىرۋگە بولاتىنى ادىستەمەلىك جۇمىستان وزەكتى ماسەلەلەرىنىڭ ءبىرى بولىپ وتىر.
كومپيۋتەرلىك گرافيكانى بىلمەي قانداي دا بولماسىن قۇجاتتى بەزەندىرۋ وتە قيىن. سوندىقتان، گرافيكاعا ارنالعان باعدارلامالاردى ءبىلۋ وتە قاجەت. قازىرگى كەزدە كومپيۋتەرلىك گرافيكاعا بايلانىستى كاسىبي ماماندىقتار تالاپ ەتىلەتىنى بەلگىلى جانە دە ونداي كاسىپتى تاڭداعان ازاماتتار گرافيكامەن جۇمىس جاسايتىن باعدارلامالاردى بەساسپاپ ءبىلۋى ءتيىس. سوندا عانا باسەكەگە قابىلەتتى قوعامدا ءومىر ءسۇرۋ مۇمكىندىگى تۋادى.
باعدارلامانى وقىتۋ بارىسىندا بىلىمدىلىك، تاربيەلىك جانە دامىتۋشىلىق ماقساتتار كەشەندى تۇردە ىسكە اسىرىلۋىن قاداعالاۋ ناقتى مىندەت بولىپ تابىلادى.
سوندىقتان دا وسى ۇسىنىلىپ وتىرعان باعدارلاما كومپيۋتەرلىك گرافيكامەن ۇشتاستىرا وتىرىپ كاسىبي ماماندىققا باۋلۋعا كومەگىن تيگىزەرى ءسوزسىز.