InfoHub Logo

«اياۋلى انا - باللاداسى الەمنىڭ» اتتى 8 ناۋرىز حالىقارالىق ايەلدەر كۇنىنە ارنالعان مەرەكەلىك كەش

اقتوبە وبلىسى شالقار قالاسى «№1 مەكتەپ-گيمنازيا» كمم
ۇيىمداستىرۋشى پەداگوگ، اعا تالىمگەر قۇدايبەرگەنوۆا اقتولقىن ساعيتجان قىزى
مۋنايتباسوۆا جۋلدىز تەميرحانوۆنا

فانفار.
ءى جۇرگىزۋشى:
قادىرلەيىك قاشاندا وتكەن بەلدى،
ارمانىنا اسىعىپ جەتكەندەردى،
جانى نۇرلى بارشا جان قۇتتىقتايمىز
كوكتەم كەلدى دالاما كوكتەم كەلدى!...

ءىى جۇرگىزۋشى:
قالمايدى مۇنداي كۇندەر ءبىر ەسكىرىپ،
سوزدەن – جىر، تىلدەن – تىلەك ۇلەستىرىپ،
قۋان جۇرتىم، كوكتەم كەلەدى قاناتىنا،
انالاردىڭ مەرەكەسىن ىلەستىرىپ!..

ءى جۇرگىزۋشى:
وسى جاندار – بىزدەر ءۇشىن قىرىق ب ا ق،
تابيعاتتىڭ بارلىق سىيىن سۇرىپتاپ،
ولەڭ –جىر مەن ءان ايتايىق جىگىتتەر،
انالاردىڭ پورترەتىن ۇلىقتاپ!..

ءىى جۇرگىزۋشى:
اسىل جاندار، نازىك جاندار – بايقايىق،
مىناۋ كەشتەن مارە-سارە قايتايىق،
انالارعا اق تىلەكتى ەندەشە،
تەك شىنايى شىن جۇرەكتەن ايتايىق!؟

ءى جۇرگىزۋشى:
قۇرمەتتى ۇستاز - انالار، ارداقتى دا اياۋلى اسىل جاندار، قىر گۇلىندەي جايناعان قىزعالداق ارۋ قىزدار! سىزدەردى ىزگىلىك پەن مەيىرىمنەن، كوكتەمنىڭ جىر پەيىلىنەن؛ جىلۋى مول قۋاتتان، ساۋلەسى مول شۋاقتان؛ ونەگەلى وركەندىكتەن، اسەمدىك پەن كوركەمدىكتەن باستاۋ العان 8 ناۋرىز حالىقارالىق انالار مەرەكەسىمەن قۇتتىقتايمىز!

ءىى جۇرگىزۋشى: انالاردىڭ قۇدىرەتتى قۋاتى - الاتاۋداي اسپان – كوكپەن تالاسادى، تىرشىلىككە ۇرپاق كەلتىرۋشى، وتباسىنىڭ جۇرەگى، بالانىڭ باقىتى، ۇرپاقتىڭ تاربيەشىسى، قامقورشىسى، اسىراۋشىسى، جارىق دۇنيەنىڭ جاقسىلىقتارىن جاساۋشى، ادام بالاسىنا تەك جاقسىلىق ويلاۋشى جاندارعا قانداي تىلەك ايتساق تا جاراسادى!..

ءى جۇرگىزۋشى: بۇگىنگى «اياۋلى انا - باللاداسى الەمنىڭ» اتتى مەرەكەلىك كەشتىڭ قۇتتىقتاۋ ءسوزى مەكتەبىمىزدىڭ ديرەكتورى وڭعاروۆ مۇحتار دوسبەرگەنۇلىنا بەرىلەدى.

ءىى جۇرگىزۋشى:
قىزدار دەگەن – تەكتىلىكتىڭ تۇمارى،
ينابات پەن يبالىقتىڭ سىڭارى،
ارۋ قىزدار، اسەم قىزدار، گۇل قىزدار،
ەڭ ادەمى اسەمدىكتىڭ شىنارى!..

ءى جۇرگىزۋشى: انالىق پارىز – قاسيەتتى قۇبىلىس. الەمدەگى جاقسىلىق كوزى، ادال قاسيەت، اق تىلەك، ىزگىلىك، مەيىرباندىق، سۇلۋلىق دەگەننىڭ ءبارى – انا تابيعاتىمەن ۇندەسەدى. جارىق دۇنيەدەگى جاقسىلىقتار انانىڭ اق سۇتىنەن ءنار العان، انانىڭ قۇدىرەتتى قۋاتىمەن جارالعان.

ءىى جۇرگىزۋشى:
تاعدىرىنا تالايدىڭ الاڭدايسىڭ،
الىنبايتىن الىپ ءبىر قامالدايسىڭ،
ارداقتى دا قىمباتتى اسىل ۇستاز،
سەن مەنىڭ ەڭ اياۋلى انامدايسىڭ!..

ءى جۇرگىزۋشى: وتان مەنەن وتباسىمدا جاراسىم اتا-انا بىزدەر ءۇشىن دارا شىڭ، ماپەلەگەن، ايالاعان ۇل-قىزىن، ول اكەم مەن مەنىڭ اسىل اناشىم!..

ءان: «اتا-اناما راحمەت!»

---