قانداي اۋا رايىندا وقۋشىلار مەكتەپكە بارمايدى
شىعىس قازاقستان وبلىسىندا قانداي اۋا رايىندا وقۋشىلار مەكتەپكە بارمايتىندىعى بەلگىلى بولدى.
شقو اقپارات ورتالىعىندا وتكەن باسپا ءسوز كونفەرەنسياسى بارىسىندا قۇتقارۋشىلار مەن جول قىزمەتتەرىنىڭ وكىلدەرى قىس مەزگىلىنە دايىندىق جۇمىستارىنىڭ قانداي دەڭگەيدە ەكەندىگىن ايتىپ بەردى.
«بۇگىنگى تاڭدا وبلىس جولدارىندا ءجيى قار باساتىن 386 ۋچاسكە انىقتالدى. جالپى ۇزىندىعى 816 شاقىرىم بولاتىن سول ۋچاسكەلەرگە 20 972 مەتر قار ۇستايتىن قالقاندار ورناتىلدى. جولدا قالعاندارعا جەدەل كومەك كورسەتۋ ءۇشىن جەكە قۇرامنان 3 123 ادام، 406 قار تازالاعىش، 214 ينجەنەرلىك، 96 ەۆاكۋاسيالىق جانە 153 وتىمدىلىگى جوعارى تەحنيكا ساقاداي ساي، - دەدى وبلىستىق تجد توتەنشە جاعدايلاردى جويۋ باسقارماسىنىڭ باستىعى رينات قوندىبايەۆ.
ءوڭىر جولدارىندا 19 جىلىتۋ پۋنكتى ورنالاسقان. 4 تراسسالىق مەديسينالىق-قۇتقارۋ پۋنكتى دە جۇمىس ىستەيدى.
بۇدان بولەك، بريفينگ بارىسىندا قانداي اۋا رايىندا وقۋشىلار مەكتەپكە بارمايدىعى ءتۇسىندىرىلدى.
«قولايسىز مەتەوجاعدايلار تۋىنداعاندا بالالار قاشىقتان وقىتۋعا اۋىستىرىلادى. ساباقتاردى توقتاتۋ ق ر ءبىلىم جانە عىلىم ءمينيسترىنىڭ 2016 جىلعى 18 قاڭتارداعى بۇيرىعىنا سايكەس جۇزەگە اسىرىلادى. اۋا تەمپەراتۋراسى -28°C جانە ودان تومەن بولعاندا 1-4 سىنىپتاردا، -32°C جانە ودان تومەن بولعاندا 5-9 سىنىپتاردا، -34°C جانە ودان تومەن بولعاندا 0-11 سىنىپتار مەن كوللەدجدەردىڭ I، II كۋرستارىندا ساباق ونلاين وتكىزىلەدى. سونداي-اق مەكتەپ وقۋشىلارى مەن كوللەدج ستۋدەنتتەرى كوشەدە كوكتايعاق جانە قاتتى جەل بولعان كەزدە مەكتەپكە بارمايدى»، - دەدى شقو ءبىلىم باسقارماسىنىڭ وكىلى بۇلبۇل قوزىبايەۆا.
You Might Also Like
-
ەر قولىندا مال تۇرمايدى، ەلەك ىشىندە سۋ تۇرمايدى. *** *** *** ***
-
ارىستاندا ءبىر كىسىنىڭ كۇشى بار، قىرىق كىسىنىڭ جۇرەگى بار. جولبارىستا ءبىر كىسىنىڭ جۇرەگى بار، قىرىق كىسىنىڭ كۇشى بار. *** *** *** ***
