ماگيستراتۋراعا 7 مىڭعا جۋىق ءوتىنىش بەرىلدى — بعم
ەكىنشى قابىلداۋ قورىتىندىسى بويىنشا ماگيستراتۋراعا 6 778 ءوتىنىش كەلىپ ءتۇستى. دوكتورانتۋرادا وقۋ ءۇشىن 700-دەن استام ءوتىنىش بەرىلدى.
«ۇمىتكەرلەر جىلىنا ەكى رەت ماگيستراتۋرا مەن دوكتورانتۋراعا قۇجات تاپسىرا الادى دەگەن شەشىم قابىلدانعان. بۇل جاڭالىقتى قانداي دا ءبىر سەبەپتەرگە بايلانىستى العاشقى قابىلداۋ ناۋقانىندا ءوتىنىش بەرۋگە مۇمكىندىگى بولماعان مىڭداعان قازاقستاندىق قۋانىشپەن قارسى الدى. ەندى تەستىلەۋدى ءساتتى تاپسىرعان 7 مىڭعا جۋىق ۇمىتكەر جازعى قابىلداۋ قورىتىندىسى بويىنشا ارتىق قالعان گرانتتاردى جەڭىپ الادى»، – دەپ اتاپ ءوتتى ءبىلىم جانە عىلىم ۆيسە-مينيسترى قۋانىش ەرعالييەۆ.
ايتا كەتەيىك، ماگيستراتۋراعا كەشەندى تەستىلەۋ جانە دوكتورانتۋراعا ءتۇسۋ ەمتيحاندارى 2-11 جەلتوقسان ارالىعىندا وتكىزىلەدى.
TOEFL ITP تەستىنىڭ ناتيجەلەرىمەن دوكتورانتۋراعا تۇسۋشىلەر اعىلشىن ءتىلىن بىلۋگە ارنالعان قوسىمشا تەست تاپسىرادى. ول ەمتيحانىن تاپسىرعانعا دەيىن وتكىزىلەدى. تەست تاپسىرماسى جالپى 100 سۇراقتان تۇرادى.
ۆەدومستۆونىڭ مالىمەتىنشە، اعىلشىن ءتىلىن بىلۋگە ارنالعان قوسىمشا تەستىلەۋ «ءوتتى» نەمەسە «وتكەن جوق» نىسانىندا باعالانادى. «ءوتتى» باعاسىن الۋ ءۇشىن كەمىندە 75 بالل جيناۋ كەرەك. اعىلشىن ءتىلىن ءبىلۋ دەڭگەيىن تەكسەرۋ، كەشەندى تەستىلەۋ جانە قابىلداۋ ەمتيحاندارى وڭىرلىك تەستىلەۋ ورتالىقتارىندا جۇرگىزىلەدى.
ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتار 2021 جىلعى 25 جەلتوقسانعا دەيىن قابىلدانادى. بۇل رەتتە ماگيستراتۋراعا جانە دوكتورانتۋراعا قىسقى قابىلداۋ 2021 جىلعى 2-11 جەلتوقسان ارالىعىندا وتكىزىلگەن تەستىلەۋ جانە ءتۇسۋ ەمتيحاندارىنىڭ ناتيجەلەرى بويىنشا جۇزەگە اسىرىلادى.
ماگيستراتۋرا مەن دوكتورانتۋراعا قابىلداۋ 2021 جىلدىڭ 26 جەلتوقسانى مەن 2022 جىلدىڭ 10 قاڭتارى ارالىعىندا وتەدى.
You Might Also Like
-
«اياۋلى انا - باللاداسى الەمنىڭ» اتتى 8 ناۋرىز حالىقارالىق ايەلدەر كۇنىنە ارنالعان مەرەكەلىك كەش
-
قۇس قاناتىمەن ۇشادى، قۇيرىعىمەن قونادى. *** *** *** ***
