ايدا تۇڭعىش رەت وسىمدىك ءوستى
ماقتانىڭ دانەگى اي بەتىندەگى ارنايى ساڭىلاۋسىز كونتەينەردە ءوسىپ شىققان تاريحتاعى ءبىزدىڭ عالامشاردان جەتكىزىلگەن العاشقى وسىمدىك بولىپ وتىر.
قاڭتاردىڭ 3 كۇنى «Chang'e-4» ايدىڭ ارعى بەتىنە قونعان تاريحتاعى العاشقى اپپارات بولدى. وسىمدىكتەردىڭ دانەكتەرىنە جاسالاتىن تاجىريبەلەردەن بولەك ول اي توپىراعىن الىپ، ونىڭ سىنامالارىن تالدايدى.
Lunar Micro Ecosystem وسىمدىكتەردى ايدا ءوسىرۋ تاجىريبەسىنىڭ اۆتورلارى جەڭىستەرىن مەرەكەلەپ جاتىر، دەپ Xinhua حابارلايدى. عالىمدار وسى بەرتىنگە دەيىن ايداعى تارتىلىس كۇشى جاعدايىندا بۇنى ىستەي الاتىندارىنا سەنىمدى بولمادى.
ماقتا دانەكتەرى ايعا ايرىقشا كۇنارلى ورتا تۇزىلگەن ساڭىلاۋسىز كونتەينەر ىشىندە جەتكىزىلدى. ونىڭ ىشىندە كارتوپ، اشىتقى دانەكتەرى جانە جەمىس-جيدەك شىبىنىنىڭ تۇقىمى بولدى. بۇعان قوسا، كونتەينەرلەر ەكى كامەرامەن جاراقتالىپ، عالىمدار سول كامەرالار ارقىلى ۇدەرىستەردى باقىلاپ وتىردى.
Chang'e-4 اي ستانسياسى ءساتتى قونىپ، جۇمىسىن باستاعان سوڭ، جۇڭگو اەروعارىش ينجەنەرلەرى ۇشولشەمدى باسپا تەحنولوگياسىن بارىنشا قولدانا وتىرىپ، اي بازاسىن سالۋدى باستاۋدى جوسپارلاپ وتىر، دەپ Daily Mail حابارلايدى. جەردىڭ جالعىز سەرىگىنىڭ بەتىندەگى ونداي نىسان كەلەشەكتە بالپانعا (مارس) جاسالاتىن ميسسيا ءۇشىن ۇشولشەمدى قۇرىلىس تەحنولوگيالارىنىڭ سىناق پوليگونى بولۋى مۇمكىن ەكەندىگى اتاپ ءوتىلدى.
You Might Also Like
-
ارىستان باب ەسىمى وتىرار، سايرام، ياسى وڭىرىندەگى سوپىلاردىڭ رۋحاني ۇستازى رەتىندە كەڭىنەن تانىمال. يسلام دىنىنەن باسقا وتىز ءۇش ءدىندى بىلگەنى جانە اۋليە كىسى بولعانى جايلى حالىق اراسىندا اڭىز بار.
-
دەكرەتتىك دەمالىس كەزىندە كوپتەگەن جاس انالار جاڭا شىعارماشىلىق قابىلەتتەرىن اشادى، بىرەۋ كەرەمەت اشەكەيلەر جاساي باستايدى، بىرەۋى قىزىقتى روماندار جازادى، ال اريزونالىق ون ءبىر بالانىڭ اناسى ليزا ح...
