InfoHub Logo

قوجانىڭ ايەلى دۇنيە سالعاندا، پالەندەي قايعى، رەنىشتىڭ نىشانى جۇزىنەن بايقالماسا كەرەك. ارادا از ۋاقىت وتكەن سوڭ قوجانىڭ ەسەگى ءولىپ قالادى. قوجانىڭ قاتتى قايعىرىپ، ازا تۇتىپ وتىرعانىن كورىپ، دوستارى:

— ايەلىڭ قايتىس بولعاندا، قاباعىڭدى دا شىتقان جوق ەدىڭ، ەسەگىڭ ولگەندە ەڭسەڭ ءتۇسىپ، ەڭىرەپ وتىرعانىڭ قالاي؟ — دەيدى.

سوندا قوجا:

— ايەلىم دۇنيە سالعاندا، كورشى-قولاڭ كەلىپ: «قاتىن ءولدى، قامشىنىڭ سابى سىندى. قايعىرما، ءجىبى ءتۇزۋ ءبىر ادام تاۋىپ، تاعى دا ۇيلەندىرەمىز» دەپ كوڭىل ايتىپ جۇباتقان ەدى. ال، بايعۇس ەسەگىم تىرايىپ قالعاندا، جۇباتپاق تۇگىل، ءتىرى جان ەسىگىمدى اشقان جوق. ەندەشە مەن قامىقپاعاندا، كىم قامىعادى؟ — دەپتى.

 

---