InfoHub Logo

شىر ەتىپ دۇنيە ەسىگىن اشا سالىسىمەن جالعىز قالعان «تۇل جەتىمدەردىن»، اتا – اناسىنىڭ قامقورلىعى مەن مەيىرىمىنەن، ىستىق قۇشاعىنان جات قالعان «تاستاندىلاردىڭ»، ءتۇرلى سەبەپتەرگە، سىلتاۋلارعا بايلانىستى ءتىرى تۇرعان اكە – شەشەسىنەن ايىرىلعان بۇلدىرشىندەردىڭ تاعدىرى كوڭىلگە قاياۋ سالادى. قارشاداي كەزدەرىنەن تاعدىردىڭ تالكەگىنەۇشىراعان وسىنداي بالالاردىڭ بولاشاعى كوزگە ەرىكسىز جاس ءۇيىرىپ، جاندى جەگىدەي جەيدى. وعان ءوزىمىز كۇندەلىكتى كۋا بولىپ ءجۇرمىز. دەي تۇرعانمەن قالامىزدىڭ ءار مەكەمەلەرى، مەكتەپ وقۋشىلارى، ستۋدەنتتەرى باسپانامىزعا كەلىپ تاربيەلەنۋشىلەرىمىزدى مەيىرىمدىلىككە باۋلىي وتىرىپ ءار ءتۇرلى ويىندار، قول ونەر ساباقتار، سايىستار وتكىزىپ جانە دە بالالارعا ارنالعان ءتۇرلى سىيلىقتار سىيلاپ، يگى ءىس – شارالار ۇيىمداستىرىپ وتىرادى. ايتا كەتسەك، پەداگوگيكالىق ينستيتۋتىنىڭ ستۋدەنتتەرىنىڭ ۇيىمداستىرۋىمەن «جان شۋاعى» اتتى قايىرىمدىلىق ءان كەشىنە باسپانامىزدىڭ تاربيەلەنۋشىلەرى بارىپ قايتتى. بالالاردىڭ بۇل ءان كەشتەن العان اسەرلەرى ەرەكشە ەدى، كوڭىل – كۇيلەرى كوتەرىڭكى، جۇزدەرى جايناپ، وسى تۇستا ءاربىر بالا باقىتتى بولۋعا لايىق ەكەنىن بايقايسىن. بۇل بالالار دا مەيىرىم مەن جۇرەك جىلۋىنا مۇقتاج جاندار. ياعني،سۇيىسپەنشىلىك تە وزىمىزدەن باستاۋ الادى جانە ءوز – ءوزىڭدى  قايىرىمدىلىققا بۇرساڭ، ءبىر ناتيجەسى بولارى انىق. «بالا – كوڭىلدىڭ گ ۇلى، كوزدىڭ نۇرى» دەيتىن حالقىمىز وسى ءبىر ءسوزدىڭ ءمان – ماعىناسىن، استارىن ۇمىتپاسا ەكەن دەيمىن.

 

ءمولدىر كەنجەعۇلوۆا
ارقالىق بالالار مەن
جاسوسپىرىمدەر باسپاناسىنىڭ
الەۋمەتتىك پەداگوگ-پسيحولوگى

---