InfoHub Logo

ءبىزدىڭ قالاۋىمىزدان تىس وقۋ كۇن ساناپ ويىنعا اينالىپ كەلەدى. بۇل، اسىرەسە، مەكتەپ جاسىنا دەيىنگى بالالار مەن تومەنگى سىنىپ وقۋشىلارىنا قاتىستى. ءدال وسى سەبەپتى ەرتە جاستان ينفورماتيكاعا ۇيرەتەتىن سايتتار مەن ويىندار ءتىزىمىن ۇسىنۋدى ءجون كوردىك.

بۇگىندە تەحنولوگيا قارىشتاپ دامىعان ۋاقىتتا بالالارىمىز عالامات اقپاراتتىق ورتاعا تاپ بولعانداي. ولار ءۇشىن قولجەتىمسىز دۇنيە جوق. جوعارى تەحنولوگيا، عالامتور زامانى الەمنىڭ ءبىر بۇرىشىندا وتىرىپ، تۇكپىر-تۇكپىرىنەن اقپارات الۋعا مۇمكىندىك بەرەدى. ءتىپتى ويىنداردىڭ كومەگىمەن كوپتەگەن دۇنيەگە ۇيرەنە الاسىز.

تىزىمدە ۇسىنىلعان بالالار ءۇشىن پايدالى قوسىمشالار باعدارلامالاۋدىڭ نەگىزىن مەڭگەرۋگە ارنالعان. مۇنداعى ويىنداردى بىرنەشە توپقا بولۋگە دە بولادى. ويجۇمباققا، شىتىرمانعا تولى جانە ويلاۋ قابىلەتى مەن زەيىندىلىكتى دامىتۋعا ارنالعان ويىنداردى بىرگە توپتاستىرا الاسىز. ەكىنشى توپقا ەنەتىن ويىندار قاتارىندا مۋزىكالىق قوسىمشالار، ساندىق شىعارماشىلىققا قىزىعۋشىلىقتى دامىتۋعا ارنالعان قاراپايىم ۆيدەو وڭدەۋگە ارنالعان باعدارلامالار مەن سۋرەت سالۋعا ارنالعان قوسىمشالار ەنۋى مۇمكىن. ال ينتەربەلسەندى كىتاپتار، ەرتەگىلەر، اۋديوكىتاپتار، بالانىڭ ۆەربالدى جانە اۋديالدى مادەنيەتىن دامىتاتىن قوسىمشالاردى ءۇشىنشى توپقا ەنگىزۋىڭىزگە بولادى. ولار بالانىڭ سوزدىك قورىن بايىتىپ، تۇلعانىڭ دامۋىنا سەبىن تيگىزەدى.

سomputer science(قولدانبالى باعدارلامالاۋ جانە جوبالاۋ عىلىمى) اتالاتىن جاڭا ءبىلىم سالاسىن بالانىڭ 4-6 جاسىنان وقىتقان ابزال.

بۇل جاستا بالانىڭ قورشاعان دۇنيە تۋرالى تۇسىنگى قالىپتاسادى. ال ويىن قاشان دا وقىتۋ قۇرالدارىنىڭ ءبىرى بولىپ كەلگەن. ال بۇگىن وقۋدىڭ باستى قۇرالى رەتىندە گادجەتتەر (پلانشەت، كومپيۋتەر) العى قاتاردان كورىنىپ، بالانى ساندىق ءبىلىم الەمىنە باستايتىن جەتەكشى قۇرالعا اينالۋدا.

Code.org — جاعىمدى ينتەرفەيس جانە باعدارلامالاۋ ءتىلى قىزمەتىنىڭ نەگىزگى پرينسيپتەرى تۋرالى قاراپايىم ويىندار. بۇل بالالارعا قاجەتتى ءبىلىم بەرەتىن جوبا. قازاق ءتىلى دە قامتىلعان.

Crayon Physics Deluxe — بالانىڭ ينجەنەرلىك ويىن دامىتىپ، ءتۇرلى جۇيەلەر مەن فيزيكالىق قوزعالتقىشتار جاعدايىندا باعدارلامالاۋدى تۇسىنۋگە كومەكتەسەتىن تاماشا ويىن. ءتىپتى باعدارلامالاۋعا عانا ەمەس، ەسەپتى ينتەراتيۆتى پروسەسس ارقىلى شەشۋ لوگيكاسىنا ۇيرەتەدى. ال ول ءوز كەزەگىندە اسا ماڭىزدى تاربيە ءپانى بولىپ تابىلادى.

Lightbot — روبوت قيمىلىنىڭ الگوريتمىن قۇرۋعا ارنالعان قاراپايىم وقىتۋ ماتەريالىنا، جاعىمدى گرافيكاعا يە ويىن. وقۋشىنىڭ سەنارييگە مۇقياتتىلىعىن دامىتىپ، كەيىپكەردىڭ قادامدىق ىس-ارەكەتىن تۇسىنۋگە ۇيرەتەدى.

CodeCombat — Python، JavaScript، Lua جانە ەكزوتيكالىق CoffeScript كودتارىنا ويىن تۇرىندە ۇيرەتۋمەن اينالىسادى.

CodeMonkey — كەيىپكەرىمايمىلدىڭ كومەگىمەن سينتاكسيس پرينسيپتەرىن ۇيرەتەتىن ويىن.

Ceebot — C++ كوماندالارىن قولدانۋ ارقىلى كەيىپكەرلەردى باسقارۋ.

Cargo-Bot — مەكتەپ جاسىنا دەيىنگى بالالار مەن ولاردىڭ «ايپەدتەرىنە» ارنالعان قاراپايىم قوسىمشا.

Tomorrow Corporation — ويىنشى ءار كەزەڭ سايىن «ويىن باسقارۋشىسى» بەرەتىن تاپسىرمالاردى شەشەدى. مىسالى، قۇراستىرعىش پازلداردىڭ كومەگىمەن مودۋلدىك فۋنكسيالار مەنولاردىڭ قاراپايىم كوماندالار نەگىزىندەگى امالدارىن قۇراستىرۋعا بولادى.

Scratch — بولاشاق باعدارلاماشىنىڭ ءوي-ورىسىن دامىتاتىن قوسىمشا.

Kodu Game Lab — Microsoft Research كومانداسى ۇسىنعان وقىتۋعا ارنالعان اۋقىمدى جوبا. دەربەس كومپيۋتەرگە ارنالعان نۇسقاسى تەگىن بولسا، Xbox-قا ارنالعان نۇسقاسىنىڭ قۇنى – 5 اقش دوللارى. ول ويىندى جوبالاۋعا، ۆيرتۋالدى الەم قۇرۋعا، مودۋلدىلىككە ۇيرەتەدى. كودتاۋ جانە باعدارلامالاۋعا قاتىستى پايداسى از بولعانىمەن، ويىن قوسىمشالارىنىڭ ديزاين نەگىزىن ۇيرەتۋدەگى كومەگى مول.

Hopscotch — iPad-قا ارنالعان قوسىمشا. جاعىمدى ديزاينگە يە بۇل قوسىمشا كودتاۋعا قاتىستى نەگىزگى ۇعىمداردى تۇسىنۋگە كومەكتەسەدى.

پيكتومير — ران تەحنيكالىق تاپسىرماسى بويىنشا جاسالعان رەسەيلىك جوبا. قوسىمشانىڭ ارتىقشىلىعى – ورىس ءتىلىنىڭ ەنگىزىلۋى. الايدا مۇنىڭ باعدارلامالاۋ نەگىزىن ۇيرەنۋدە كەمشىلىگى جوق ەمەس. سەبەبى اعىلشىن ءتىلىن ءبىلۋ باعدارلامالاۋ ءتىلىن ۇيرەنۋدى جەدەلدەتەدى.

RoboZZle — نۇسقار ارەكەتىنىڭ الگوريتمىن قۇرۋعا ارنالعان قوسىمشا. بالاعا الگوريتمدەر تەورياسىن تاجىريبە جۇزىندە ۇيرەنۋگە مۇمكىندىك بەرەدى.

Kodable — كىشكەنتاي بالالارعا دا جارايتىن ويىن. ولار ويىن بارىسىندا شار ءتارىزدى كەيىپكەرلەردىڭ ىس-ارەكەت سەنارييىن قۇرا الادى.

ال مۇلدەم كىشكەنتاي بالالار ءۇشىن (4 جاستان جوعارى) iPad-قا ارنالعان شاعىن قوسىمشالار بار:

- Robo Logic

- LightbotJr: Coding Puzzles for Ages 4+

- Lightbot — ProgrammingPuzzles

ارينە، مۇندا باعدارلامالاۋعا قاتىستى قوسىمشالاردىڭ بارلىعى كورسەتىلمەگەن. الايدا ءدال وسى قوسىمشالاردىڭ كومەگىمەن بالانى باعدارلامالاۋ الەمىمەن تانىستىرۋعا بولادى.

 

---