كەيبىر پاندەر بويىنشا ءۇي تاپسىرماسى بەرىلمەۋى مۇمكىن – ە.ساعادييەۆ
الداعى ۋاقىتتا وقۋشىلارعا كەيبىر ءپان بويىنشا ءۇي تاپسىرماسى بەرىلمەۋى مۇمكىن. بۇل تۋرالى ۇكىمەت وتىرىسىنان كەيىن ق ر ءبىلىم جانە عىلىم ءمينيسترى ەرلان ساعادييەۆ مالىمدەدى، دەپ Baq.kz حابارلايدى.
«ءبىز ەلەكتروندى كۇندەلىك جانە ەلەكتروندى وقۋلىق بولعانىن قالايمىز. ەڭ ماڭىزدىسى، مەكتەپ دالىزدەرىندە شكاف بولۋى كەرەك. سونداي-اق، ءۇي تاپسىرماسىنا شەكتەۋ قويىلماق. بۇگىن نەمەسە ەرتەڭ ارنايى حابارلاندىرۋ شىعادى. وسىعان دەيىن مەكتەپ ديرەكتورلارىنىڭ ەكى توبى مەن ادىسكەرلەر وقۋشىلارعا بەرىلەتىن ءۇي تاپسىرماسىنىڭ كولەمىن زەرتتەگەن بولاتىن. ءبىزدىڭ وسى ماسەلەگە قاتىستى ۇسىنىسىمىز بار. ياعني ۇيگە بەرىلەتىن تاپسىرمانىڭ ۋاقىتىن 40 مينۋتقا قىسقارتۋدى جوسپارلاپ وتىرمىز. بولاشاقتا كەيبىر پاندەر بويىنشا ءۇي تاپسىرماسى بەرىلمەۋى مۇمكىن»، - دەدى مينيستر.
You Might Also Like
-
ءبىراز ۋاقىت بۇرىن دوسىمنىڭ مەكتەپتە وقيتىن ۇلىنا «قازاق حالقىنىڭ ۇلتتىق داستارحانى» تاقىرىبىنا رەفەرات جازۋعا تاپسىرما بەرىلگەن ەكەن. ىزدەنىس بارىسىندا عالامتور پاراقتارىنا كوز جۇگىرتكە...
-
ق ر ءبىلىم جانە عىلىم مينيسترلىگى ەلىمىزدەگى مەكتەپتەردىڭ ءاربىر سىنىبىنا Wi-Fi ورناتپاق. بۇل تۋرالى بۇگىن ۇكىمەت وتىرىسىندا اتالعان ۆەدومستۆونىڭ باسشىسى ەرلان ساعادييەۆ ءمالىم ەتتى.
