بالجىڭگەر (ءىى نۇسقا)
كەزىندە بايلىعى باسىنان اسقان ءبىر مۇڭعۇل بولىپتى. ونىڭ جۇيرىك جەلماياسى، ىسىمەر ءبىر قىزى بولىپتى. اتقۇمار مۇڭعۇل بايى سول وڭىردە بالجىڭ دەگەندە ءبىر جۇيرىك ات بار دەگەندى ەستيدى. وسى اتتى قولىما تۇسىرسەم دەپ ويلاعان باي، بالجىڭدى شاقىرتىپ الىپ، جەلمايا مەن كەر اتتى ءۇش كۇندىك جولعا بايگەگە قوسادى. بايگە كەلگەنشە الگى قىزىنا ءبىر كىسىلىك كيىمدى تىگىپ ۇلگەرتپەك بولادى. ەگەر قىز كيىمدى بىتىرە الماسا، بايگەدەن جەلمايا كەلمەي، كەر ات كەلسە، باي بالجىڭعا قىزىن بەرمەك، ال جەلمايا وزىپ، قىز كيىمدى ۇلگەرتىپ كەتسە، كەر اتتى باي الماق بولىپ
كەلىسەدى. كەلىسىمنەن كەيىن جارىس باستالىپ كەتەدى.
سونىمەن، «بايگە كەلەدى» دەگەندە حابارشى بايعا كەر اتتىڭ كەلە جاتقانىن، جەلمايانىڭ جولدا شوگىپ قالعانىن جەتكىزەدى. ەندىگى سەنىمىن قىزىنان كۇتكەن باي بايگە جەتىسىمەن كيىمنىڭ ءبىر تۇيمەسى قالعانىن ەستىپ ساسقالاقتايدى. سوندا بالجىڭ ءوزىنىڭ ۇتقانىنا كوزى جەتىپ:
— مەنىڭ اتىم بالجىڭ كەر،
بىلمەگەن ادام قالجىڭ دەر.
تۇيمە باۋى بىتپەپتى،
بىلجىراماي قىزىڭدى بەر، — دەپ ايعايلاپ شىعا كەلەدى. اقىر كوپ بولىپ بايدىڭ كۇش كورسەتكەنىنە قاراتپاي، بالجىڭعا بايدىڭ قىزىن الىپ بەرگەن ەكەن. وسى كەر اتتىڭ ەرەكشەلىگىن سول كەزدەگى ارالاس وتىراتىن مۇڭعۇل-قازاق ءىشىن دەگى بايجىگىت كۇي ەتىپ شەرتكەن ەكەن.
You Might Also Like
-
بايلاردىڭ جەمقورلىعىن وتكىر تىلىمەن شەنەپ، سىبىزعىداعى كۇيىمەن ءاجۋا-سىقاق ەتكەن سىبىزعىشىنى ەلدىڭ يگى جاقسىلارى بىرىگىپ الىپ، كوزىن قۇرتپاق بولادى. وعان تۇس-تۇسىنان قىسىم جاساپ، ءتىلىن تيگىزىپ، تىكە...
-
التاي بەتىندە بۇرىن وتكەن ءبىر جىلقىلى باي بولعان ەكەن. ونىڭ ءبىر تۇندە ەكى بيەسى قۇلىنداپ، ءبىرىنىڭ ەنەسىن قاسقىر جەپ، قۇلىنى قاراعاننىڭ تۇبىنە كىرىپ امان قالىپتى. ەندى بىرەۋى قۇلىنىن ەمىزىپ تۇرادى. ...
