InfoHub Logo

جەر بەتىندە ءار ادام ءوزىنىڭ قامشىنىڭ ساباعىنداي بەرىلگەن ومىردە باقىتتى بولعىسى كەلەدى. ال سول ءبىر قۇندىلىعى گاۋحhار تاسپەندە ولشەنە المايتىن باقىتتى، ءار كىم ءارتۇرلى تۇسىنەدى. ايتسەدە ادامنىڭ بۇل ومىردە باقىتتى بولۋى ءوز قولىندا. ءوز باقىتىن ىزدەگەن جاندار ەڭ الدىمەن، "باقىت دەگەن نە؟"، دەگەن سۇراققا جاۋاپ ىزدەپ، وسىلايشا ءوز باقىتىنا ءوزى ناقتى قادام جاساۋ كەرەك. وسى تۇستا ءمۇقاعاليدىڭ "باقىت" ۇعىمىن ءار جاقتى قاراستىرىپ جازعان كەرەمەت ولەڭى بار. وندا ءبىرى، باقىتتى دۇنيەدەگى بارلىق بايلىق دەسە، ءبىرى كوڭىلى توق، كويلەگى كوك بولعانعا تەڭەيدى. ال تاعى ءبىرى باقىت ۇعىمىن ادال جار مەن شاڭىراق بەرەكەسى بالاعا تەڭەيدى. ارينە، بۇل تۇستا ءار ادامنىڭ ويى وزدىگىنشە دۇرىس، سەبەبى كىتاپتىڭ ءبىر عانا بەتى بولمايدى. سوندىقتان جالعان ومىردەگى، كوكرەگىندە جانى بار ادام، ءوز باقىتىن وزدىگىنشە تابۋعا تىرىسادى. بۇل جالعاندا باقىت ءسوزى مەن ءۇشىن وتە تەرەڭ ماعىنا بىلدىرەدى. وسى ون جەتى جىل ىشىندە مەندە ءوز باقىتىمدى تانىپ ءبىلدىم دەسەم ەش قاتەلەسپەيمىن. ادامنىڭ ويىن ادام ەمەس، تاعدىر عانا وزگەرتەدى. وسى ءبىر سىناعى كوپ تاعدىر، باقىت ول سەنىڭ وتباسىنىڭ ەكەنىن تولىق ءتۇسىندىردى. قارا شاڭىراق ىشىندە ءتورت كوزىڭ تۇگەل، التى جاعىڭ الا بولىپ، ءبىر-بىرىڭدى سىيلاپ وتكەنگە نە جەتسىن. مەنىڭ ءوز باقىتىم ءوز قولىمدا! ءيا، بۇل راس. توتە جولدى نەمەسە ءتۇزۋ جولدى تاڭداۋ سەنىڭ ءوز ەركىڭ. كۇندەلىكتى بولىپ جاتقان ءجايتتار باقىت جولىنداعى باسپالداق بولۋى ابدەن مۇمكىن. سول سەبەپتى، كۇندەلىكتى اتا-انامىزدىڭ جىلى سويلەپ، باۋىرلارىمىزدىڭ سىڭعىر كۇلكىسىنە شومىلىپ، دوستارىمىزدىڭ جانىندا بولۋدى ۇمىتپايىق. اپپاق قۇستىڭ قاناتىنداي، ءمولدىر بۇلاقتى كىرشىكسىز تازا سۋداي، باقىتىڭنىڭ كوز الدىڭدا ەكەنىن ۋمىتپاعاي. الىسقا كوز سۇرگەنشە، جۇرەك تۇبىنە كوز سالساڭ، باقىت جولىن ءوزىڭ اق تاباسىڭ!

كۋاتوۆا اسەليا كۋانىشبەكوۆنا

---