بارلىق ءبىلىم بەرۋ ۇيىمى «بۇلتتى بۋحگالتەرياعا» كوشۋى ءتيىس - مينيسترلىك
بارلىق ءبىلىم بەرۋ ۇيىمى «بۇلتتى بۋحگالتەرياعا» كوشۋى ءتيىس. بۇل تۋرالى ق ر ءبىلىم جانە عىلىم ۆيسە-مينيسترى بيبىگۇل اسىلوۆا ايتتى.
«وقۋشى ورىندارى سانىن ۇلعايتۋ ءۇشىن 2022 جىلى 200 مەكتەپ قۇرىلىسى جوسپارلانعان. مەحانيزمى رەتىندە بيۋدجەتتەن نىسانالى قۇرىلىس، مەملەكەتتىك-جەكەمەنشىك سەرىكتەستىك ارقىلى، سونداي-اق جەكەمەنشىك مەكتەپتەردە مەملەكەتتىك ءبىلىم بەرۋ تاپسىرىسىن ورنالاستىرۋ كوزدەلگەن. قۇرىلىس جۇمىستارى اكىمدىكتەردىڭ قۇزىرىندا زاڭدى تۇردە جۇرگىزىلەدى. قارجىلاندىرۋدىڭ اشىقتىعىن قامتاماسىز ەتۋ جانە تيىمدىلىگىن ارتتىرۋ ماقساتىندا بارلىق ءبىلىم بەرۋ ۇيىمى «بۇلتتى بۋحگالتەرياعا» كوشۋى ءتيىس»، - دەدى بيبىگۇل اسىلوۆا مينيسترلىكتىڭ كەڭەيتىلگەن القا وتىرىسىندا.
سونىمەن قاتار ول بالالاردىڭ قۇقىعىن قامتاماسىز ەتۋ باعىتىندا قابىلدانعان مەملەكەتتىك شارالاردىڭ ناتيجەسىندە ەلىمىزدەگى بالالار ءۇيى تاربيەلەنۋشىلەرىنىڭ 81 پايىزى وتباسىدا ءومىر ءسۇرۋ قۇقىعىنا يە بولعانىن ايتتى.
«بالالار ءۇيىنىڭ سانى 30-عا دەيىن قىسقاردى. 2021 جىلى تاعى 2 بالالار ءۇيى، قيىن جاعدايعا تاپ بولعان بالالاردى قولداۋعا باعىتتالعان 1 ورتالىق، 1 بوبەكتەر ءۇيى جابىلدى. بۇگىندە جەتىم بالالارعا ارنالعان ۇيىمداردا 4 مىڭعا جۋىق تاربيەلەنۋشى تۇرادى. ءبىز جايلى جاعداي جاساۋدى باقىلاۋ ءۇشىن دە، سونداي-اق بالالاردىڭ وتباسىندا تاربيەلەنۋى ءۇشىن دە جۇمىستى جالعاستىراتىن بولامىز»، - دەدى ۆيسە-مينيستر.
You Might Also Like
-
«بولاشاق» باعدارلاماسى ترانسفورماسيالانادى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
-
تۇركىتانۋ عىلىمى جايلى الەمنىڭ كوزقاراسى قانداي؟!
