جوعارى ءبىلىم بەرۋ جۇيەسىنە وقىتۋدىڭ جاڭا قۇرالى ەنگىزىلەدى - بعم
ق ر بعم جوعارى ءبىلىم بەرۋ جۇيەسىنە وقىتۋدىڭ جاڭا قۇرالىن ەنگىزۋدى جوسپارلاپ وتىر. بۇل تۋرالى ق ر ءبىلىم جانە عىلىم ۆيسە-مينيسترى قۋانىش ەرعالييەۆ ايتتى.
«ق ر بعم جوعارى ءبىلىم بەرۋ جۇيەسىنە وقىتۋدىڭ جاڭا قۇرالىن ەنگىزۋدى جوسپارلاپ وتىر. «ونلاين-وقۋ» ءبىلىم الۋدىڭ جاڭا فورماتىنا اينالادى. ەلىمىزدە العاشقى ونلاين-ۋنيۆەرسيتەتتەر اشىلادى. جالپى، جوعارى وقۋ ورىندارىندا ءبىلىم الۋ ءۇشىن گرانتتار سانى 5 مىڭعا ارتادى. ولاردىڭ 60 پايىزى تەحنيكالىق ماماندىقتار بويىنشا بولىنەدى. سونداي-اق «بولاشاق» باعدارلاماسىن قايتا قاراستىرۋ بويىنشا جۇمىستى باستادىق»، - دەدى قۋانىش ەرعالييەۆ مينيسترلىكتىڭ كەڭەيتىلگەن القا وتىرىسىندا.
سونىمەن قاتار ول 2022 جىلعى 1 قىركۇيەكتەن باستاپ مەملەكەت باسشىسىنىڭ تاپسىرماسى بويىنشا قازاقستاندىق جوعارى وقۋ ورىندارى ستۋدەنتتەرىنىڭ ستيپەندياسى 20، ماگيسترانتتار مەن دوكتورانتتاردىڭ ستيپەندياسى 15 پايىزعا ارتاتىندىعىن ايتتى.
«پەداگوگيكا ماماندارىن دايارلاۋ باعىتى بويىنشا وقيتىن ستۋدەنتتەر 58 مىڭ تەڭگەدەن استام، باسقا باعىتتار بويىنشا ءبىلىم الاتىندار 37 مىڭ تەڭگەگە جۋىق شاكىرتاقى الا باستايدى. ماگيسترانتتاردىڭ شاكىرتاقىسى 86 987 تەڭگەگە دەيىن، دوكتورانتتاردىڭ شاكىرتاقىسى 195 000 تەڭگەگە دەيىن وسەدى»، - دەدى ۆيسە-مينيستر.
You Might Also Like
-
مەكتەپتەردە ماتەماتيكا ءپانى وقۋشىلاردى ەكى توپقا ءبولىپ وقىتىلماق. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
