InfoHub Logo

باستاۋىش سىنىپتارعا قازاقتىڭ ءداستۇرى تۋرالى قوسىمشا ساباق ەنگىزۋ ۇسىنىلدى.

بۇل تۋرالى پارلامەنت ءماجىلىسىنىڭ دەپۋتاتى، قازاقستان حالقى اسسامبلەياسىنىڭ مۇشەسى عاني تاشقارايەۆ پەداگوگتارمەن جانە جاستارمەن كەزدەسۋدە ءمالىم ەتتى.

«پارلامەنت ءماجىلىسىنىڭ دەپۋتاتتارى اراسىندا باستاۋىش سىنىپ وقۋشىلارىنا «قازاقتىڭ ءسالت-داستۇرى» اتتى قوسىمشا ساباق ەنگىزۋ ماسەلەسى تالقىلاندى. ويتكەنى، قازاق ەلىندە دۇنيەگە كەلگەن ءار بالا ءوز ءسالت-داستۇرى مەن تاريحىن ەرتە جاستان ءبىلۋى ءتيىس»، - دەدى ءماجىلىس دەپۋتاتى عاني تاشقارايەۆ.

كەزدەسۋدە ەتنوسارالىق قارىم-قاتىناس، پەداگوگتاردىڭ جالاقىسىن كوتەرۋ سەكىلدى ماسەلەلەر قوزعالدى.

«ءار قازاقستاندىق جاستىڭ ءسالت-داستۇردى بەرىك ۇستانىپ، قازاق تىلىندە ەركىن سويلەۋىنە جاعداي جاسالۋى كەرەك. سول سەبەپتەن، بۇل ماقساتتا ناقتى جۇمىستار اتقارىلاتىن بولادى»، - دەيدى ءماجىلىس دەپۋتاتى. عاني تاشقارايەۆ قازاقستان حالقى اسسامبلەياسىنىڭ العىس حاتىم اتىراۋلىق پەداگوگتار مەن جاستاردىڭ ءبىر توبىنا تاپسىردى.

---