جەلتوقسان وقيعاسىنا بايلانىستى قۇجاتتىق جيناق جارىق كوردى
الماتىداعى ق ر ۇلتتىق كىتاپحاناسىندا «جەلتوقسان. دەكابر. 1986. دوكۋمەنتالنايا حرونيكا» اتتى عىلىمي ەڭبەكتىڭ تانىستىرىلىمى ءوتتى.
كىتاپ جەلتوقسان وقيعاسىنىڭ 35 جىلدىعىنا ارنالدى. جەلتوقسان وقيعاسىنىڭ قاتپارلى سىرلارىن پاش ەتەتىن ەڭبەكتى قۇراستىرىپ، وقىرمان قاۋىمعا ۇسىنعان — ق ر پارلامەنتى ءماجىلىسىنىڭ دەپۋتاتى، تاريح عىلىمدارىنىڭ كانديداتى بەرىك ءابدىعالي ۇلى.
اتالمىش شاراعا تاريحشى عالىمدار، جەلتوقسانشىلار، زەرتتەۋشى جاستار قاتىستى. تاۋەلسىزدىكتىڭ تۇعىرى بولعان جەلتوقسان وقيعاسىنا بايلانىستى قۇجاتتىق جيناقتى زيالى قاۋىم وكىلدەرى جىلى قابىلداپ، ۇلت رۋحىنىڭ ويانۋىنا قوسىلعان ەسەلى ەڭبەك دەپ باعالادى.
1986 جىلعى جەلتوقسان وقيعاسىنا بايلانىستى قۇجاتتىق ماتەريالدار توپتاستىرىلعان جيناق 3 بولىمگە ءبولىنىپ، حرونيكالىق رەتپەن بەرىلگەن.
ءبىرىنشى بولىمدە 1986 جىلعى جەلتوقسان ايىنداعى پارتيا، مەملەكەت جانە قۇقىق قورعاۋ ورگاندارىنىڭ رەسمي قۇجاتتارى توپتاستىرىلسا، ەكىنشى بولىمدە 1986 جىلعى جەلتوقسان وقيعاسىنىڭ سەبەپتەرى مەن جاعدايى جايىنداعى قازكسر جوعارعى كەڭەسى پرەزيديۋم كوميسسياسىنىڭ زەرتتەۋ ماتەريالدارى بەرىلگەن.
ال ءۇشىنشى بولىمدە ق ر كونستيتۋسيالىق سوتى (1992-1994) قاراستىرعان قۇجاتتىق ماتەريالدار تىزبەگى جيناقتالعان.
You Might Also Like
-
1. اق ءتۇس — بارلىق تۇستەرمەن ۇيلەستىرۋگە بولادى. ەڭ ۇزدىك تۇستەر ۇيلەسىمى، ول كوك، قىزىل، قارا.
-
بۇل ماقالادا كورمە قىزمەتى ارقىلى وقۋشىلاردىڭ ەستەتيكالىق مادەنيەتىن دامىتۋ ماسەلەسى قاراستىرىلادى. ەستەتيكالىق ۇستانىمنىڭ قالىپتاسۋى ادامنىڭ ءوزىن-وزى راستاۋىنىڭ ناقتى مەحانيزمى رەتىندە نەگىزدەلگەن...
