InfoHub Logo

ساباقتىڭ تاقىرىبى: باۋىرجان مومىش ۇلى «ۇشقان ۇيا» رومانىنىڭ ۇزىندىسىندەگى ۇلتتىق تاربيە، ونەگە حالىق دانالىعى.
ساباقتىڭ ماقساتى: ا) بىلىمدىلىك: باۋىرجان مومىش ۇلى ۇلىلىعىن تەرەڭ سەزىنۋ، قايتالانباس ازامات تۇلعاسىنان ۇلگى الۋ، باۋىرجان شىنشىلدىعىنىڭ دارەجەسىنىڭ ادامگەرشىلىك كەمەلدىگىنە توقتالۋ.
ءا) دامىتۋشىلىق: توپپەن جۇمىس نەگىزىندە وقۋشىنىڭ ويلاۋ قابىلەتىن دامىتۋ، ءوز ويىن تۇجىرىمداۋعا جانە باسقالاردىڭ پىكىرىن سىيلاۋعا ۇيرەتۋ.
ب) تاربيەلىك: ۇلتتىق ءتالىم - تاربيە، ونەگە، ءسالت-داستۇردى، وتاندى سۇيەتىن ۇلتجاندى، پاراساتتى،
سەزىمتال ۇرپاق تاربيەلەۋ.
ءتيپى: ءبىلىم مەن داعدى، ىسكەرلىكتى قولدانۋ.
ءادىسى: «ادەبي ۇيىرمەلەر»، «اۆتور ورىندىعى»، رافت ستراتەگياسى، «ەسسە» سۋرەتپەن جۇمىس، اڭگىمەلەۋ، تالداۋ.
كورنەكىلىگى: پورترەت، سلايدتار، سۋرەت، قاناتتى سوزدەر.
ءپانارالىق بايلانىس: سۋرەت، ادەپ، تاريح.

ساباقتىڭ ءجۇرۋ بارىسى:
1. ۇيىمداستىرۋ كەزەڭى: وقۋشىلاردى تۇگەندەۋ
2. ۇيگە بەرىلگەن تاپسىرمانى سۇراپ، بەكىتۋ
ا) باۋىرجان مومىش ۇلى ءومىرى، شىعارماشىلىعى «ۇشقان ۇيا» رومانىنىڭ جالپى مازمۇنى، كەيىپكەرلەرى تۋرالى ىزدەنىپ مالىمەتتەر دايىنداۋ جۇمىستارى بەرىلگەن بولاتىن.

جاڭا ساباق
قىزىعۋشىلىقتى وياتۋ
بەينەكليپ « قازاقتىڭ ۇلتتىق سالت - داستۇرلەرى»

ءمۇعالىم ءسوزى:
كىرىسپە: وقۋشىلار مىنا بەينەكليپتە نەنى تاماشالادىق؟
قازاقتىڭ اۋلى. اتا - اجەلەر جينالىپ، شىلدەحانا تويىن تويلاپ جاتىر. اۋىل اقساقالدارى باتا بەرىپ جاتىر...
ەندەشە، بۇگىنگى ساباعىمىزدىڭ ماقساتى، وتكەن ساباقتاعى تانىسقان ب. مومىش ۇلىنىڭ «ۇشقان ۇيا»ۇزىندىسىندەگى ۇلتتىق تاربيە، باۋىرجان وتكەن دانالىق مەكتەبى تۋرالى ءسوز ەتەمىز.
ءمۇعالىم: كوزىنىڭ تىرىسىندە - اق اتى اڭىزعا اينالعان باۋىرجان مومىش ۇلى تۋرالى نە بىلەمىز؟
راس، جاۋ جۇرەك باتىر، داڭقتى قولباسشى، قارىمدى قالامگەر.

ارينە، قازاق توپىراعىندا باتىر دا، قولباسشى دا، قالامگەر دە از بولماعان. ءبىراق ولاردىڭ ەشبىرىنىڭ داڭقى التى الاشتى ارىگە اسىپ كورگەن ەمەس. ال، باۋىرجان اتامىزدى تورتكۇل دۇنيە حالقى تۇگەل تانىدى، ونىڭ قاھارماندىق قايسار تۇلعاسى مەن ادامزات بالاسىندا سيرەك كەزدەسەتىن وزىق اقىل - ويى، قاراعايعا قارسى بىتكەن بۇتاقتاي الابوتەن ءىرى مىنەزى ەستىگەن جۇرتتى تەگىس ءتانتى ەتتى.
ەندەشە، «باۋىرجاندى باۋىرجان» ەتكەن ءومىر مەكتەبى نەسىمەن ەرەكشە؟
بۇل ساۋالدارعا جاۋاپتى رولدىك ويىن ارقىلى كورسەتەيىك.

رافت ستراتەگياسى
مىسالى:
ر - مومىش
ا - حح! عاسىر ۇرپاعىنا
ف - وسيەت
ت - وتان سۇيگىش ۇل بول!
سىزدەرگە الدىن – الا ۇيگە وتكەن ساباعىمىزداعى تاقىرىپتار بويىنشا تەرەڭدەپ زەرتتەۋ تاپسىرمالارى بەرىلگەن بولاتىن، سوعان وراي كەلەسى ءسوزدى بايانداۋ ءۇشىن «اۆتور ورىندىعىنا» شاقىرامىز.

بايانداۋ:
1 قاھارمان باتىر - باۋىرجان(ءومىرى تۋرالى)
2. جازۋشىنىڭ شىعارمالارى، ەڭبەكتەرى
3. «ۇشقان ۇيا» ءۇزىندىسى تۋرالى
زەرتتەۋشىلەر: باۋىرجان قانداي تۇلعا؟
باتىردىڭ تەگى تۋرالى بىلەمىز بە؟
ۇرپاقتارى كىمدەر؟

سۇراقتار قۇراستىرۋشىلار: 5 سۇراق بەرىلەدى.
5 جاۋاپ بەرىلەدى.
سىلتەمەلەر تابۋشى: «ۇشقان ۇياداعى» رۋحاني بايلىق: ماقال-ماتەلدەر، باتا سوزدەر، ۇلتتىق سالت - داستۇرلەر، ۇلتتىق ءتالىم - تاربيە تۋرالى وي قوزعاۋ.
بەينەلەۋشى - سۋرەتتەۋشى: «مەنىڭ قيالىمداعى - باۋىرجان»
سۋرەت سالۋ، سۋرەتپەن جۇمىس
دانەكەر - جازۋشى ەسسە « ەل بولام دەسەڭ، بەسىگىڭدى تۇزە»
ءمۇعالىمنىڭ قورىتىندى ءسوزى:
«اق جۇرەك بولىپ جولداسىڭ،
ادالدىق سەنى قولداسىن.
جاقسىلىق ءۇشىن تىرەسەڭ،
جانىڭدى ارىڭ قورعاسىن.

ارىندى بولسىن شابىسىڭ،
الىمدى بولسىن تابىسىڭ،
نايزاداي بولسىن نامىسىڭ،
ەر جىگىتكە ءبارى سىن
قيىندىق كورسەڭ، مۇقالما،
اۋىرلىق كورسەڭ، جۇقارما.
قامقورشى بول كىشىگە،
ۇلكەندى ۇلگى تۇت العا!» - دەپ ايتقان بابالار ءسوزىن بولاشاق ومىرىمىزگە ونەگە تۇتىپ جۇرەتىن ەلىمىزدىڭ وتان سۇيگىش ازاماتتارى سەندەرسىڭدەر، جاس ۇرپاق!