InfoHub Logo

بۇگىن، 20 جەلتوقساندا اتىراۋ قالاسىندا بەلگىلى ايتىسكەر اقىن باۋىرجان حاليوللانىڭ “مولتەك الەم ءمولدىرى” اتتى ادەبي-سازدى شىعارماشىلىق جىر كەشى ءوتتى. قازاقستان جازۋشىلار جانە جۋرناليستەر وداعىنىڭ مۇشەسى، حالىقارالىق اقىن-جىرشىلار مەن ايتىسكەرلەر وداعىنىڭ مۇشەسى باۋىرجان حاليوللا – 3 كىتاپتىڭ اۆتورى.

جىر كەشىنە وبلىس تۇرعىندارى مەن قوناقتارى، اتىراۋ وبلىسىنىڭ اكىمى نۇرلان نوعايەۆ جانە رەسپۋبليكالىق باق-تاردىڭ باس رەداكتورلارى قاتىستى. كەشتى ايتىسكەر اقىن تالانت ارعىنعالي جۇرگىزىپ وتىردى.

ادەبي شارادا اقىننىڭ “تۇساۋكەسەر”، “جۇرەك ءسوزى”، “قاتيموللاعا ارناۋ”، “دوسىما حات” سىندى اندەرى شىرقالىپ، ولەڭدەرى وقىلدى.

“سوڭعى جىر كەشىمدى وسىدان ءبىر جىل بۇرىن وتكىزدىم. ءبىر جىل عۇمىرىم ءۇشىن سەكۋندتاي عانا بولسا دا، مەن ءۇشىن بۇل ۇزاق ۋاقىت ءوتتى. الدارىڭىزعا شەر تارقاتىپ، سىرلاسايىن دەپ، شىعارماشىلىمداعى جاڭالىقتاردى تانىستىرايىن دەپ شىعىپ وتىرمىن. وسىناۋ كەشتىڭ وتۋىنە سەبەپ بولعان ايماق باسشىسى نۇرلان نوعيەۆقا ەرەكشە العىس ايتامىن”، – دەدى اقىن ءسوز العاندا.

وبلىس اكىمى نۇرلان نوعايەۆ مادەنيەت پەن ونەردى ءارقاشان قولدايتىنىن ايتىپ، اقىننىڭ شىعارماشىلىعىنا تابىس تىلەدى.

“ادامعا اقىندىڭ ونەردىڭ ءبىتۋى – باسىنا قونعان باقپەن تەڭ. بۇل ب ا ق باۋىرجان حاليوللاعا دا ءبىتتى. ەندى بۇل ونەردى ەلدىڭ مادەنيەتىن كوتەرىپ، جان-دۇنيەسىن دامىتۋعا جۇمساۋ كەرەك. كەز كەلگەن ماماندىق يەسىنىڭ قوعامداعى ءوز ورنى بار دەسەك، ونەر ادامدارىنىڭ ءجونى تىپتەن بولەك”، – دەدى نۇرلان نوعايەۆ.

---