InfoHub Logo

شاتا[نىڭ تۋعان جەرى] قازىرگى پاۆلودار وبلىسى، بايان اۋدانى، رۋى — ايدابول. شاتانىڭ شىن اتى جالماعامبەت ەكەن. اكەسىنىڭ اتى — دۇرىلدەك دەگەن ادام. شاتانىڭ اكەسى جاسىندا ءولىپ قالىپ، شەشەسى ايدانا دەيتىن ادام جەسىر قالىپ، شاتانى تاربيەلەپ، ارقاسىنا ارقالاپ اسىراپ وسىرگەن ەكەن دەيدى.

شاتانىڭ ءوزى دە، اكەسى دە وتە كەدەي بولعان. بىلايشا ايتقاندا ساۋارعا سيىرى دا، مىنەرگە اتى دا بولماعان. شاتانىڭ ءوزى دە، شەشەسى ايدانا دا بايلاردىڭ ەسىگىندە بولعان. بەرتىن كەلە شاتا ەر جەتىپ، ات جالىن تارتىپ ءمىنىپ، حالىق قاتارلى ادام بولادى. شاتانىڭ بۇل حالگە جەتۋى اناسى ايدانانىڭ ارقاسىندا دەيدى. جالماعامبەت ەلدەگى ەكىنىڭ ءبىرى، بىلايشا ايتقاندا ونەرلى، پىسىق بولىپتى. شاتا جاسىنان جوقشىلىق، زورلىقتى كوپ كورەدى. بايلاردىڭ، باسقا بولعانداردىڭ كورسەتكەن قياناتتارىنا شىداي الماي جۇرەدى.

ءبىر كۇنى شاتا ويلايدى. وسى بايلاردان بولعانداردان كەگىن الۋدىڭ جولىن قاراستىرىپ، ىزدەيدى. اكەسى دۇرىلدەك ءتىرى كۇنىندە ايدابول ايتەننىڭ ءابىشى دەيتىن كىسىدەن اكەسىنىڭ كورگەن قياناتى، زورلىعى شاتانىڭ ەسىنە تۇسەدى. سونىمەن، شاتا ءبىر كۇنى بۇرىنعى ۋريادنيكتىڭ كيىمدەرىن كيىپ الىپ، بەلىنە قىلىش بايلاپ، قاس قارايىپ، ءتۇن بولا باعاناعى ءابىشتىڭ ءۇيىنىڭ قاسىنا ءوزى سەكىلدى اۋىلداعى 2-3 جىگىتتى ەرتىپ الىپ، ۋريادنيك بوپ كەلىپ قالادى.

كەلىسىمەن ءابىشتى اياق-قولىن ءبىر ۋىس قىلىپ، جاۋاپقا شاقىرىپ، انانى-مىنانى قىسىپ سۇراپ، ونىمەن قابات:

— سەن ءبىر كەزدە بايان دۇرىلدەك دەگەن ناشار ادامعا قالايشا زورلىق جاسادىڭ؟ — دەپ سۇراقتى كوبەيتىپ قىسادى. سودان كەيىن ءابىشتى تال قوراپتىڭ استىنا جاۋىپ قويادى. ءبىرازدان كەيىن ءابىشتى قوراپتان شىعارىپ الىپ، تاعى دا قوسىمشا جاۋاپ العان كىسى بولىپ، شاتا ابىشكە اياعىن سيپاتىپ، ارقاسىن قاسىتادى. سونىمەن ءتۇن ىشىندە ەشنارسەگە قاراماستن ابىشكە بار بىلگەنىن ىستەپ، ىستەگەن قياناتىن قايتاردىم دەگەن ەسەپپەن
وتكەن ءىستىڭ كەگىن ابىشتەن ءبىر قايىرعان ەكەن دەيدى. بىلايشا ايتقاندا، شاتا ءوزى كەدەي، ەلدەگى ەكىنىڭ ءبىرى بولىپ، ونەرلى، وتە ءتىلدى، قۋلىقشىل، تاقپاقشىل، كۇلدىرگىش، ءانشى، ەلدەن شىققان قۋتابان، الاياق قۋدىڭ ناعىز ءوزى دەپ ەسەپتەيدى ەكەن. شاتا — كەك الۋدىڭ جولىن ول كەزدەگى زورلىق يەلەرىنە اقىسىن جىبەرمەۋدىڭ جولىن كوپ ىزدەگەن ادام.

---