InfoHub Logo

الماتىدا نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىن تالداۋعا ارنالعان قالا اكتيۆىنىڭ جيىنىندا مەگاپوليس باسشىسى باۋىرجان بايبەك قازاق ءتىلىنىڭ لاتىن ءالىپبيىن جاساۋعا الماتىلىق عالىمدار مەن زەرتتەۋشىلەردى ۇلەس قوسۋعا شاقىردى.

«كۇن سايىن قارقىندى دامىپ جاتقان زاماناۋي تەحنولوگيا، كوممۋنيكاسيا جانە يننوۆاسيانىڭ تەحنيكالىق ءتىلىن جەدەل مەڭگەرۋدە لاتىن ءالىپبيىنىڭ ءرولى ايرىقشا بولماق. بۇل باعىتتا ەلباسى 2025 جىلعا قاراي باسپا ءىسىن تولىق لاتىن الىپبيىنە كوشىرۋدى ۇسىنادى. ول ءۇشىن ەل ۇكىمەتىنە قازاق ءتىلىن لاتىن الىپبيىنە كوشىرۋدىڭ ناقتى كەستەسىن ازىرلەۋدى، جىل سوڭىنا دەيىن قازاق ءالىپبيىنىڭ جاڭا گرافيكاداعى ءبىرىڭعاي ستاندارتتى نۇسقاسىن قابىلداۋدى تاپسىردى. بۇل ىسكە ءتىل ءبىلىمىنىڭ باسى-قاسىندا جۇرگەن الماتىلىق عالىمدار، قالامىزدا ورنالاسقان عىلىمي زەرتتەۋ ينستيتۋتتارى مەن كاسىبي زەرتتەۋ ورتالىقتارى ءبىر جاعادان باس، ءبىر جەڭنەن قول شىعارا وتىرىپ، ات سالىسادى دەپ سەنەمىن»، - دەگەن قالا اكىمى بولاشاقتا بۇل ءىستى ءبىرىنشى بولىپ الماتىلىق زيالى قاۋىم مەن قالا جاستارى قولداپ شىعاتىنىن ايتتى. 

«پراكتيكالىق، ودان كەيىن يدەولوگيالىق مانگە يە وسى باستامانى ەڭ الدىمەن الماتىنىڭ زيالى ورتاسى مەن جاستارى قىزۋ قولدايتىنى ءسوزسىز. تاۋەلسىزدىكتىڭ العاشقى جىلدارى ەلدە مەملەكەتتىك ءتىلدى بىلەتىندەردىڭ سانى 40 پايىز دەسەك، بۇگىندەرى ول 80 پايىزعا جەتتى. الماتى قالاسىندا بۇل كورسەتكىش كەزىندە نەبارى 20 پايىز بولعانىن سىزدەر جاقسى بىلەسىزدەر. 1991 جىلى قالادا نەبارى 18 عانا، ونىڭ وزىندە، قازاقشا-ورىسشا ارالاس تاربيە بەرەتىن مەملەكەتتىك بالاباقشا بولسا، بۇگىن ونىڭ سانى 157-گە جەتتى. مەكتەپ سانى دا 7-دەن 65-كە دەيىن ارتتى، ونداعى بالا سانى 11 مىڭنان 104 مىڭعا دەيىن ءوستى»، -دەدى باۋىرجان بايبەك.

---