بايماعامبەتكە ايتقانى
بىردە بايماعامبەت سۇلتان اۋىرىپ جاتىپ ابىلدى الدىرادى.
- سەن حان، سۇلتاندى قارالاپ ولەڭ شىعارادى دەيدى. مىقتى بولساڭ، بۇلتارماي، ماعان ولەڭ شىعارشى، جاقسىلاساڭ – جارىلقايمىن، ولە كەتسەم – وشپەس ءسوز بولسىن، - دەيدى. سوندا ابىل بىلاي دەپتى:
بوپايدان تۋعان اكەڭ ايشۋاق حان،
تابانىڭ تايماي تۇر-اۋ مىنگەن تاقتان.
دالىرگەن داجال سىندى دارەجەڭدى
دەپ ءجۇرسىڭ قۇداي قورىپ، قىدىر باققان.
تولى ەل – تولىقسىعان كولىن تاستاپ،
قاڭعىرعان قايىپالدى ءتاڭىر قاققان.
ەر ءولدى دەپ ەتەك بۇلاپ جىلايتۇعىن،
بايەكە-اۋ، قاي ءىسىڭ بار ەلگە جاققان؟!
بۇدان كەيىن بايماعامبەت جانە باسقا ەل اكىمدەرى ابىلدى حانعا حالىقتى قارسى قويۋشى دەپ ءبىراز قۋعىنداپتى.
You Might Also Like
-
ورىستىڭ ۆ. ۆاكۋروۆ دەگەن زەرتتەۋشىسى « دەنگي» ءسوزى XII عاسىردا تۇركى تىلىنەن الىنعان، وندىعى ءبىر كەزدەرى ايىرباس قۇرالى بولعان اڭ (بەلكا) اتاۋى «تيىن»، «ءتيىن» س...
