InfoHub Logo

باي ۇلى جەتى جاسار كۇنىندە ەل كوشىپ، كوپ بالالار: بىرەۋ تايىنا، بىرەۋ اتىنا مىنگەندە. ءبىر بالا جىلامسىراپ قاراپ تۇرىپ قالدى. مۇنى كورىپ، باي ۇلى قاسىنا بارىپ:
- سەن نەگە اتىڭا مىنبەيسىڭ؟ - دەدى.
بالا قامىعىپ:
- اتىم جوق، كوشكەندە اجەممەن تۇيەگە ءمىنۋشى ەدىم، - دەدى.
سوندا باي ۇلى اتتان ءتۇسىپ جاياۋ اكەسىنە بارىپ:
- مەن اتقا مىنگەندە، ەر-توقىمىمەن ماعان ءبىر جورعا تاي اتاپ ەدىڭىز، سول تايىمدى بىرەۋگە بەرسەم ءسىز ۇرىسپايسىز با؟ - دەدى.
اكەسى:
- كىمگە بەرەسىڭ؟ - دەدى.
بالا قىسىلىڭقىراپ تۇرىپ، جاياۋ جىلاپ تۇرعان جارلىنىڭ بالاسىن كورسەتتى. بۇعان اكەسى دە ءتۇسىنىپ، بەتىنەن ءسۇيىپ:
- تايىڭدى كىمگە بەرسەڭ دە ەرىك وزىڭدە،- دەدى.
سونان سوڭ باي ۇلى قۋانىپ، تايدى ەرتتەتىپ، ماناعى بالاعا اكەپ بەرىپ، قاسىنا ەرتىپ الدى دا، شاۋىپ كەپ، كوپ بالاعا قوسىلدى. سول ۋاكىتتا ءبىر اكساقال جاقسى كىسى قوناق بولىپ جاتىر ەكەن، بايۇلىنىن الگى مىرزالىعىن كورىپ، رازى بولىپ، سىرتىنان باتا بەردى:
- ەي، قۇدايىم، بۇل بالاعا ۇزاق جاس بەر، مال مەن باس بەر.- دەپ. سول كىسىنىڭ باتاسى قابىل بولىپ، اقىرىندا بايۇلىنان ون ەكى ۇل تۋىپ، ءبارى دە اسقان باي، رۋعا باس بولدى. ون ەكى اتا باي ۇلى دەگەن رۋ سونان بولدى دەسەدى.

---