ءبىر ۋىس ماقتا
ءبىر كىشكەنتاي قىز اكەسىنىڭ شاپانىن جاماپ وتىر ەكەن، شەشەسى قاسىنا وتىرىپ، اقىل ايتتى:
- بالام، دۇنيەدەگى جاراتىلعان جاندىك-جانسىزداردىڭ ەشقايسىسىنىڭ دا كەرەكسىز بولىپ، جەردە قالاتىنى بولمايدى،- دەپ. سول ءسوزدى ايتىپ وتىرعاندا، قىز بالا كيىمىن جاماپ بولىپ، جەردەگى ماقتانىڭ قيقىمىن تەرەزەدەن لاقتىرىپ، دالاعا تاستادى:
- اجە، وسى قيقىمنىڭ ەشنارسەگە كەرەگى بولا قالماس،- دەپ.
شەشەسى:
- بالام، سول دا جەردە قالمايدى،- دەدى.
وسىلايشا سويلەسىپ، تەرەزەدەن قاراپ وتىرسا، ماناعى ماقتانى جەل كوتەرىپ ۇشىردى، مۇنى ءبىر تورعاي كورىپ قۋىپ بارىپ، ماقتانى تۇمسىعىنا تىستەپ قانا الىپ، ۇشىپ كەتتى. قىز اجەسىنەن:
- ماناعى ماقتانىڭ قيقىمىن ءبىر تورعاي الىپ كەتتى، ونى نەعىلادى؟ - دەپ سۇرادى.
اجەسى ايتتى:
- كوردىڭ بە، بالام، كۇن اينالماي ماناعى ايتقان ءسوزدىڭ كەلگەنىن. ول كىشكەنتاي ماقتانى تورعاي ۇياسىنا توسەپ، جاس بالاپاندارىنا مامىق ەتەدى،- دەدى.
You Might Also Like
-
ءبىر ۇلكەن مەيرام الدىندا، اكەسى بالالارىن قۋانتۋ ءۇشىن ۇيىنە ءارتۇرلى جەمىس الىپ كەلدى. لەنوچكا دەگەن كىشى قىزى سول كەلتىرگەن كوپ جەمىستىڭ ىشىندە، سىرتى التىنداعان شەتتەۋىكتەرگە قىزىعىپ، سونى ماعان ب...
-
باي ۇلى جەتى جاسار كۇنىندە ەل كوشىپ، كوپ بالالار: بىرەۋ تايىنا، بىرەۋ اتىنا مىنگەندە. ءبىر بالا جىلامسىراپ قاراپ تۇرىپ قالدى. مۇنى كورىپ، باي ۇلى قاسىنا بارىپ: - سەن نەگە اتىڭا مىنبەيسىڭ؟ - دەدى. با...
