مىقتىمىن عوي دەگەنمەن
قورعاسىنداي ءبىر سالماق كەتەر ەمەس دەنەمنەن.
باسادى كەپ توبەمنەن. قوش ايتىسىپ ولەڭمەن،
تەرەزەگە تونەم دە الاتاۋدى كورەم مەن -
باسى قارعا بولەنگەن.
باۋىرى كوككە كەنەلگەن - الاتاۋدى كورەم مەن.
(قورعاسىنداي ءبىر سالماق ارىلمايدى دەنەمنەن)
مىقتىمىن عوي تەگىندە!
قورقىتارىڭ ءولىم بە، ورانارىم كەبىن بە؟!
تۇكىردىم مەن ولارعا!
ەي، جۇرەگىم، جەڭىلمە!
انا تۇرعان كوگىندە - جۇلدىزىڭ بار سەنىڭ دە،
باسىن يگەن ولىمگە، تۇكىردىم مەن ومىرگە!
ەي، جۇرەگىم، جەڭىلمە!
ەي، جۇرەگىم، جەڭىلمە.
...مەن نەسىنە جەرىنەم؟!
قورقاتىنىم ءولىم بە؟!
قورىقپاي-اق بەرىلەم
وكىنىشتى...
امال نە...
ولمەيتىندەي كەلىپ ەم...
مىنا جارىق دۇنيەم بىرگە تۋعان مەنىمەن
بىرگە ولەدى مەنىمەن!!!

---