InfoHub Logo

ق ر بعم 0-سىنىپتاردا وقۋشىلاردى پيلوتتىق وقىتۋ بويىنشا قوسىمشا تۇسىندىرمە بەردى.

0-سىنىپتاردى ەنگىزۋ ەشقانداي دا جاڭالىق ەمەس. ەلىمىزدە مەكتەپ پەن مەكتەپكە دەيىنگى ۇيىمداردا مەكتەپالدى دايىندىق توپتارى نىسانىندا 0- سىنىپتار وسى ۋاقىتقا دەيىن جۇمىس ىستەپ كەلدى. مەكتەپالدى دايىندىق توپتارىندا بالالار اتا-انالاردىڭ قالاۋى بويىنشا 5 نەمەسە 6 جاستان باستاپ وقىدى. بۇل وزگەرىسسىز قالادى.

2016 جىلدان 1-سىنىپ وقۋشىلارى ءبىرىڭعاي وقۋ باعدارلاماسى، ءبىرىڭعاي بازالىق وقۋلىقتارمەن ءبىلىم الدى. اتا-انالاردىڭ پىكىرىنشە، مەكتەپالدى دايىندىق توبىنداعى (0-سىنىپ) بالالار دا وسىلاي ءبىرىڭعاي وقۋ باعدارلامالارىمەن وقىتىلۋى قاجەت.

سەبەبى، مەكتەپالدى دايىندىق توبىندا (0-سىنىپ) ءبىرىڭعاي وقۋ باعدارلامالارىمەن جانە ءبىرىڭعاي بازالىق وقۋلىقتارمەن وقىماعان بالالارعا 1-سىنىپقا كەلگەندە ءبىرىڭعاي وقۋ باعدارلامالارىن يگەرۋ قيىندىق تۋدىرادى.

ءالى كۇنگە دەيىن 1-سىنىپقا كەلگەن بالالاردىڭ ءبىلىم دەڭگەيىندە سايكەسسىزدىك بايقالادى. كەيبىرى كىتاپتى ەركىن وقي الادى، سانداردى قۇراي جانە ساناي السا، ال كەيبىرى تەك ءبىرقاتار ءارىپتى عانا بىلەدى. بالالاردىڭ ءبىر دەڭگەيدە دايىندالماۋى سالدارىنان ءبىلىم ساپاسىنىڭ تومەندەۋى جانە وقۋ پروسەسىنىڭ جۇيەسىزدىگىنە الىپ كەلەدى. بۇل دەگەن ءبىر بالا وقۋ ماتەريالدارىن جاي قابىلداي باستاسا، كەي بالالاردىڭ ءىشى پىسا باستايدى.

وسىعان بايلانىستى مەكتەپالدى دايىندىق توبىن 0-سىنىپتاردا دايىنداۋ ماسەلەسى اتا-انالار مەن مۇعالىمدەر ءۇشىن وتە ماڭىزدى بولىپ تۇر.

ەلىمىز بويىنشا 2019 جىلدىڭ قىركۇيەك ايىنان باستاپ 0-سىنىپتارعا مەكتەپالدى دايىندىقتىڭ ءبىرىڭعاي وقۋ باعدارلاماسىن ەنگىزۋ جوسپارلانۋدا. ق ر بعم 2017 جىلدان باستاپ پيلوتتىق جوبا اياسىندا ەلىمىزدەگى مەكتەپالدى دايىندىق توپتارىنا، ءبىلىم مەكەمەلەرىندەگى مەكتەپالدى دايىندىققا (0-سىنىپ) ءبىرىڭعاي وقۋ باعدارلامالارى مەن ءبىرىڭعاي بازالىق وقۋلىقتاردى ەنگىزۋ جوسپارلانۋدا.

ءبىلىم سالاسىنداعى تاجىريبەلى پەداگوگتار مەن عالىمداردىڭ پىكىرلەرىنشە، مەكتەپالدى دايىندىقتان باستاپ بالالار «الىپپەنى» («بۋكۆار») مەڭگەرۋلەرى قاجەت.

5-6 جاستاعى بالالارعا  ءۇشىن «الىپپەنى» («بۋكۆار») ۇيرەتۋ جۇكتەمەسى قازىرگىدەي ءۇش ايدىڭ عانا كولەمىندە جۇرگىزىلمەي، وقۋ جىلى بارىسىندا مەڭگەرۋگە باعىتتالاتىن بولادى. بالالار ارىپتەردى تانۋعا، بۋىنداپ وقۋعا، تىڭدالعان دىبىستىق سوزدەرگە تالداۋ جاساۋعا ۇيرەنەتىن بولادى.

1-سىنىپتان باستاپ جازۋعا ۇيرەتۋ باستالادى. ويتكەنى 5-6 جاستاعى بالالاردىڭ ۇساق موتوريكالاردى جازۋ ءۇشىن جەتكىلىكتى دەڭگەيدە دامىماعان.

حالىقارالىق تاجىريبەلەردى زەرتتەپ، بۇل ەلدەردىڭ دە وسى جولدى تاڭداعاندارىن كورۋگە بولادى. مىسالى، بەلارۋسيادا «الىپپە» 2-5 جاستاعى بوبەكتەر ءۇشىن شىعارىلعان. «الىپپەنىڭ» ەرەكشەلىگى - ءاربىر ارىپكە سايكەسىنشە قايتالانباس وبرازدار بەرىلگەن، وسىعان وراي بالالار ارىپتەردى ىنتاسىمەن ۇيرەنىپ، ءوزارا ۇقساس ارىپتەردى الماستىرىپ المايدى. رەسەيدە مەكتەپكە دەيىنگى جاستاعى بالالار ءۇشىن ەلەكتروندى «الىپپە» جاسالعان. بالالار داۋىستى جانە داۋىسسىز دىبىستار مەن ەكپىندەرمەن، بۋىندارمەن جانە ءسوز تىركەستەرىمەن ويىن تۇرىندە تانىسادى.

قازىرگى تاڭدا ق ر بعم 5-6 جاستاعى مەكتەپالدى دايىندىق بالالارى ءۇشىن ينتەراكتيۆتى تەحنولوگيالار نەگىزىندە بالالاردىڭ قابىلداۋىنا ىڭعايلى «الىپپە» («بۋكۆار») وقۋلىعىن ازىرلەۋدى باستادى.

---