InfoHub Logo

قازاقستاننىڭ ستاندارتيزاسيا ينستيتۋتى باس ديرەكتورىنىڭ ءبىرىنشى ورىنباسارى ەركەجان ءامىرxانوۆانىڭ ايتۋىنشا، بۇگىندە قازاقستاندا مەكتەپ فورماسى بويىنشا ناقتى ءبىر ستاندارتتار جوق. سول سەبەپتى جاڭا ستاندارتتاردى دايىنداۋ تۋرالى شەشىم قابىلداندى.

«ەندى، كەڭەستەر كەزىندە ستاندارتتار بولدى. ءبىراق سودان بەرى ءوزىمىزدىڭ جەكە ستاندارتتارىمىز جاسالمادى. ماسەلەن، كەڭەستەر وكىمەتى ۋاقىتىندا سينتەتيكادان تىگىلگەن كيىم اتىمەن بولعان جوق. ءقازىر ونداي ماتانىڭ ءتۇر-تۇرى ساتىلادى. سوندىقتان ءبىز وسى ىسپەتتى ماتانىڭ بالالار دەنساۋلىعىنا كەرى اسەرىن تيگىزەتىنى جايىندا ايتىپ، جاڭا ستاندارتتاردا اتالعان ماسەلەنى كورسەتۋدى كوزدەپ وتىرمىز. سەبەبى مەكتەپ وقۋشىسى فورمانى تاڭەرتەڭنەن باستاپ كەشكە دەيىن كيىپ جۇرەدى. ال كەيبىر ماتالار تەرى اۋرۋلارىن تۋعىزۋى ابدەن مۇمكىن. سوندىقتان جاڭا ستاندارتتاردا وسى ماسەلەگە باسىمدىق بەرىلەدى. ءبىراق ءبىر نارسەنى ءتۇسىنىپ الۋ قاجەت، مەكتەپ فورماسىنىڭ ءتۇر-تۇرپاتى، يا بولماسا، ءتۇسى بويىنشا شەكتەۋلەر قويىلمايدى. ماتانىڭ ساپاسى بويىنشا ناقتى ءبىر تالاپتار بولادى دەگەن جوسپار بار. نەگىزگى ماقسات - بالانىڭ دەنساۋلىعىن ساقتاۋ»، - دەيدى ە.ءامىرxانوۆا.

ماماننىڭ ايتۋىنشا، بۇگىندە مەكتەپ فورماسىن تىگىپ جاتقان وندىرىستەر بارشىلىق. اتالعان تاۋاردى سىرتتان تاسىپ جۇرگەندەر دە از ەمەس. دەگەنمەن، فورمانىڭ قاۋىپسىزدىگى مەن ساپاسىن تەكسەرىپ جاتقان ەشكىم جوق. سول سەبەپتى مەكتەپ فورماسى بويىنشا ناقتى ءبىر ستاندارتتاردى ەنگىزۋ تۋرالى شەشىم قابىلداندى. قازىرگى كەزدە دايىندىق جۇمىستارى جۇرگىزىلىپ جاتىر. كەلەسى جىلدان باستاپ جاڭا ستاندارتتاردى قولدانىسقا ەنگىزۋ جوسپارلانعان. وعان دەيىن كاسىپكەرلەر مەن تەxنولوگتاردى جيناپ، ماتانىڭ قۇرامى انىقتالادى. ال جاڭا ستاندارتتار ەنگىزىلگەن كۇننەن باستاپ، مەكتەپ فورماسىمەن اينالىساتىن كاسىپكەرلەر ماتانىڭ ساپاسىنا باسا نازار اۋدارۋى شارت.

دەرەككوز: inform.kz

---