InfoHub Logo

ءبىلىم جانە عىلىم مينيسترلىگى ءۇش جىلدا 100 ملن دوللار حالىقارالىق گرانت بولۋگە نيەتتى.

«حالىقارالىق عىلىمي-تەحنيكالىق ورتالىقتىڭ اشىلۋى تۋرالى كەلىسىمدى راتيفيكاسيالاۋ ۇدەرىسى ءجۇرىپ جاتىر. قازاقستاندا ورتالىق-ازيالىق وڭىردەگى حالىقارالىق جوبالاردى، سونداي-اق قازاقستاندىق جوبالاردى قارجىلاندىرۋ بويىنشا شەشىمدەر قابىلداۋعا قولجەتىمدىلىك بار»، - دەدى ق ر تاۋەلسىزدىگىنىڭ 25 جىلدىعىنا ارنالعان فورۋمدا بعم ۆيسە-مينيسترى اسلانبەك ءامرين.

ونىڭ ايتۋىنشا، بۇل ورتالىق رەسەي فەدەراسياسىندا بولعان 20 جىلدا رەسەيلىك تاراپ جوبالارعا 425 ميلليون دوللار الدى. «ءبىز ءۇش جىلدا عىلىمي جوبالار ءۇشىن100 ملن دوللارعا دەيىن  حالىقارالىق گرانتتار تارتۋدى بولجاپ وتىرمىز»، - دەدى ۆيسە-مينيستر.

حالىقارالىق عىلىمي-تەحنيكالىق ورتالىق 38 مەملەكەت كىرەتىن ۇكىمەتارالىق ۇيىم بولىپ تابىلادى. ورتالىق يادرولىق قارۋدى تاراتپاۋعا جاردەمدەسۋ ماقساتىندا 1992 جىلى قۇرىلعان. باستاپقى كەزەڭدە ەەق، رف، اقش، جاپونيا اراسىنداعى كەلىسىمدەرگە قول قويىلدى. ودان ءارى وعان ارمەنيا، گرۋزيا، بەلارۋس، قازاقستان، قىرعىزستان، نورۆەگيا، كورەيا، تاجىكستان قوسىلدى. قازاقستان 1995 جىلدان باستاپ ورتالىق مۇشەسى بولىپ تابىلادى. 2015 جىلى حعتو اياسىندا جالپى قۇنى 18 ملرد اقش دوللار بولاتىن 701 جوبا، سونداي-اق سوماسى 2،5 ملن دوللارعا ىلەسپە باعدارلامالار جۇزەگە اسىرىلدى. 

---