بعم مەكتەپتەردى بالانىڭ سانىنا قاراي قارجىلاندىرۋعا كىرىستى
ازىرشە اتالعان جۇيە ءۇش قالانىڭ مەكتەپتەرىندە پيلوتتىق جوبا رەتىندە ىسكە اساتىن بولادى.
«بىلتىر ءبىز «ءبىلىم بەرۋ تۋرالى» زاڭعا وزگەرىستەردى ەنگىزدىك. سونىڭ اياسىندا مەملەكەتتىك تاپسىرىس جەكە جەكەمەنشىك مەكتەپتەرگە دە بەرىلە باستادى. ماسەلەن، وسى جىلدان باستاپ اقتوبە قالاسىنداعى جەكە مەنشىك مەكتەپتە پيلوتتىق جوبا قولعا الىندى. شىمكەنتتە قىركۇيەك ايىندا باستالادى. اعىمداعى جىلدىڭ 1 قىركۇيەگىنەن باستاپ استانا قالاسىندا دا جەكە مەنشىك مەكتەپتەردى وقۋشىلاردىڭ سانىنا قاراي قارجىلاندىرۋدىڭ پيلوتتىق جوباسى قولعا الىنادى. شامامەن، 3 720 ورىن بولادى»، - دەدى ق ر ءبىلىم جانە عىلىم ۆيسە-مينيسترى بيبىگۇل اسىلوۆا بۇگىن ۇكىمەت ۇيىندە وتكەن باسپا ءسوز ءماسليحاتىندا.
ونىڭ ايتۋىنشا، استانا مەن شىمكەنتتىڭ تاجىريبەسى نەگىزىندە وقۋشىلاردىڭ سانىنا قاراي قارجىلاندىرۋ جۇيەسى باسقا ايماقتارعا دا تارالاتىن بولادى. بۇدان بولەك، مەكتەپتەر قۇرىلىسىنا ينۆەستورلاردى تارتۋ ماقساتىندا وسى ساناتتاعى قۇرىلىس نىسانداردىڭ نورمالارىن جەتىلدىرىپ، بىلىكتىلىك تالاپتارىن جەڭىلدەتۋ جوسپارلانعان.
«ال ءبىلىم بەرۋ سالاسىن ليبەراليزاسيالاۋ اياسىندا مەكتەپتەردى ۇيىمداستىرۋ فورماسىن وزگەرتۋ كوزدەلىپ وتىر. ونداي نىساندار شارۋاشىلىق ماقساتتاعى مەملەكەتتىك كاسىپورىندار بولادى. وسىعان وراي، ءبىز ءتيىستى زاڭنىڭ جوباسىن ازىرلەدىك»، - دەپ اتاپ كورسەتتى ب.اسىلوۆا.
قازاقپارات
You Might Also Like
-
بۇگىندە اۋستراليادا شامامەن 25 مىڭ شەتەل ستۋدەنتى تۋريستىك جانە جۇمىس ىستەۋ ۆيزالارىمەن اعىلشىن ءتىلىنىڭ قىسقا مەرزىمدى كۋرستارىنان، سونداي-اق تۋريستىك باعدارلاما بويىنشا تاعىلىمدامالاردان وتكەن.
-
ق ر ءبىلىم جانە عىلىم مينيسترلىگى وقۋشىلاردىڭ جۇكتەمەسىن ازايتۋ بويىنشا جۇمىس جۇرگىزۋدى باستادى.
