InfoHub Logo

الەۋمەتتىك جەلىلەردە جاڭا جىلدان باستاپ پەداگوگتەردىڭ ەڭبەكاقىسى قىسقاراتىنى تۋرالى جالعان اقپارات تارادى. ءبىلىم جانە عىلىم مينيسترلىگى بۇل حاباردى جوققا شىعاردى.

«الەۋمەتتىك جەلىلەردە جاڭا جىلدان باستاپ پەداگوگتەردىڭ ەڭبەكاقىسى قىسقاراتىنى تۋرالى جالعان اقپارات تارادى. حابارلامادا ەڭبەكاقىنىڭ 25% وسكەنىنە قاراماستان، جاڭارتىلعان باعدارلاما بويىنشا ساباق بەرگەنى ءۇشىن 30% تەڭ قوسىمشا تولەمدەر الىنىپ تاستالاتىنى ايتىلعان. دەمەك، مۇعالىمدەردىڭ تابىسى 5% تومەندەيدى. بۇل - جالعان اقپارات. جاڭارتىلعان ءبىلىم بەرۋ مازمۇنى ءۇشىن قوسىمشا اقى بۇرىنعىداي تولەنەدى. سونىمەن قاتار، كەلەسى جىلدىڭ قاڭتار ايىنان باستاپ مەملەكەت باسشىسى ق.توقايەۆتىڭ تاپسىرماسى بويىنشا پەداگوگتاردىڭ ەڭبەكاقىسى تاعى 25% كوتەرىلەتىنىن ەسكە سالامىز. ايتا كەتەيىن، 2020 جىلى پەداگوگتاردىڭ ەڭبەكاقىسى 25%، 2021 جىلى تاعى 25% ءوستى. بۇدان بولەك، پرەزيدەنتتىڭ قولداۋىنىڭ ارقاسىندا، بىلىكتىلىك ساناتى ءۇشىن قوسىمشا اقى 30-50% دەيىن ۇلعايتىلدى» دەپ جازدى Facebook پاراقشاسىندا ۆەدومستۆونىڭ باسپا ءسوز حاتشىسى ءمولدىر ابدۋالييەۆا.

ونىڭ ايتۋىنشا، مۇعالىمدەرگە داپتەر تەكسەرۋ جانە سىنىپ جەتەكشىلىگى ءۇشىن ۇستەمەاقىنى ەكى ەسەگە ارتتىرىلعانىن، سونداي-اق تالىمگەرلىك ءۇشىن قوسىمشا اقى تولەۋ سىندى جاڭا سانات پايدا بولعان.

«ەل پرەزيدەنتىنىڭ تاپسىرماسى بويىنشا ءبىلىم جانە عىلىم مينيسترلىگى پەداگوگتاردىڭ ەڭبەگىن ىنتالاندىرۋ ماقساتىندا جۇيەلى جۇمىس جۇرگىزۋدە. بارلىق شارالار ءبىلىم بەرۋ ۇيىمدارىن بىلىكتى كادرلارمەن قامتاماسىز ەتۋگە باعىتتالعان. پەداگوگيكالىق باعىتتار بويىنشا وقىتۋدىڭ تارتىمدىلىعىن ارتتىرۋ ءۇشىن وسى ماماندىقتار بويىنشا ءبىلىم الىپ جۇرگەن ستۋدەنتتەردىڭ شاكىرتاقىسى بيىل قىركۇيەك ايىنان باستاپ 42 مىڭ تەڭگەگە دەيىن كوتەرىلدى. جەلىدە تاراعان قاۋەسەتتەرگە سەڭبەڭىزدەر» دەپ ەسكەرتەدى مينيسترلىك وكىلى.

---