ءبىلىمدى جان باسىنا قاراي قارجىلاندىرۋ: مەكتەپتەر ءاربىر وقۋشى ءۇشىن تالاسادى
ءبىلىم بەرۋ سالاسىن جان باسىنا قاراي قارجىلاندىرۋ جۇيەسى مەكتەپتەر اراسىنداعى باسەكەلەستىكتى كۇشەيتىپ، ءبىلىم بەرۋ ساپاسىن كوتەرەدى دەگەن جوسپار بار. ق ر قارجى ءمينيسترى باقىت سۇلتانوۆتىڭ ايتۋىنشا، كەلەسى جىلى ءبىر وقۋشىعا بولىنەتىن بيۋدجەت اقشاسى 300 مىڭ تەڭگەگە دەيىن ارتادى.
«الداعى ءۇش جىلدا ورتا ءبىلىم سالاسىن جان باسىنا قاراي قارجىلاندىرۋ جۇيەسىنىڭ قازىرگى پيلوتتىق جوباسىن كەڭەيتۋ كوزدەلىپ وتىر. 2018 جىلى قىركۇيەك ايىنان باستاپ استانانىڭ بارلىق 85 مەكتەبى اتالعان جۇيەگە كوشەدى. 2019 جىلدا وعان 239 مەكتەبىمەن الماتى قالاسى دا قوسىلادى. ال 2020 جىلدان باستاپ رەسپۋبليكانىڭ 3 981 مەكتەبىندە جان باسىنا قارجىلاندىرۋ جۇيەسى ەنگىزىلەدى»، - دەدى سۇلتانوۆ بۇگىن «2018-2020 جىلدارعا ارنالعان رەسپۋبليكالىق بيۋدجەت تۋرالى» زاڭنىڭ جوباسىن تانىستىرۋ بارىسىندا.
ونىڭ ايتۋىنشا، ءبىر وقۋشىعا كەتەتىن ورتاشا شىعىنداردىڭ مولشەرى 299،4 مىڭ تەڭگەنى قۇرايدى. 2017 جىلدا اتالعان كورسەتكىش 206،6 مىڭ تەڭگە كولەمىندە بەلگىلەنگەن.
جالپى، ەلىمىزدە ءبىلىم بەرۋ سالاسىنا جان باسىنا قاراي قارجىلاندىرۋ جۇيەسىن ەنگىزۋ شارالارىنا 153،9 ميلليارد تەڭگە قاراستىرىلعان. ال بارلىق ءبىلىم بەرۋ جۇيەسىن دامىتۋعا 2018-2020 جىلدار ىشىندە 1 ترلن 108،9 ميلليارد تەڭگە جۇمسالادى.
دەرەككوز: قازاقپارات
You Might Also Like
-
(مەكتەپ شاكىرتى ءۇشىن جازىلعان). حالقىمىزدىڭ بويىندا جيناقتالعان اسىل مۇرالارىمىزدى ەسكە الىپ وتىرساق، ولاردىڭ بىزگە قىمبات ءارى قاستەرلى ەكەندىگىن ۇعا تۇسكەندەي بولامىز. سونداي قاسيەتتى ۇعىمدار و...
-
قازاقستانعا مول تابىس اكەلەتىن ستارتاپتاردى قۇرىپ، ولاردى ىسكە قوسۋ قاجەت. بۇل تۋرالى سيفرلاندىرۋ ماسەلەسىنە ارنالعان رەسپۋبليكالىق كەڭەستە نۇرسۇلتان نازاربايەۆ ايتتى.
